| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 12.25h.2 | Polyb. 12.25h.6 (English) | >>Polyb. 12.25i.7 |
12.25h.5 ᾗ καὶ τοιαύτας ᾤοντο δεῖν ἐν τοῖς ὑπομνήμασιν ὑπάρχειν ἐμφάσεις οἱ πρὸ ἡμῶν ὥσθʼ , ὅτε μὲν ὑπὲρ πολιτικῶν ὁ λόγος εἴη πραγμάτων , ἐπιφθέγγεσθαι διότι κατʼ ἀνάγκην ὁ γράφων πεπολίτευται καὶ πεῖραν ἔσχηκε τῶν ἐν τούτῳ τῷ μέρει συμβαινόντων , ὅτε δὲ περὶ πολεμικῶν , ὅτι πάλιν ἐστράτευκε καὶ κεκινδύνευκε , καὶ μὴν ὅτε περὶ βιωτικῶν , ὅτι τέτραφε τέκνα καὶ μετὰ γυναικὸς ἔζηκε . τὸ δὲ παραπλήσιον καὶ περὶ τῶν ἄλλων τοῦ βίου μερῶν ·
12.25h.6 ὃ παρὰ μόνοις εἰκὸς εὑρίσκεσθαι τῶν συγγραφέων τοῖς διʼ αὐτῶν πεπορευμένοις τῶν πραγμάτων καὶ τοῦτο τὸ μέρος περιπεποιημένοις τῆς ἱστορίας . πάντων μὲν οὖν οἷον αὐτουργὸν γενέσθαι καὶ δράστην δυσχερὲς ἴσως , τῶν μέντοι μεγίστων καὶ κοινοτάτων ἀναγκαῖον .
12.25i.1
ἐξ ὧν πᾶς ἂν εἰκότως συγκατάθοιτο τρίτον εἶναι μέρος τῆς ἱστορίας καὶ τρίτην ἔχειν τάξιν τὴν ἐκ τῶν ὑπομνημάτων πολυπραγμοσύνην .
12.25i.3 ὡς δʼ ἀληθές ἐστι τὸ νυνὶ λεγόμενον καὶ ἐκφανέστατον γένοιτʼ ἂν ἐπί τε τῶν συμβουλευτικῶν καὶ παρακλητικῶν , ἔτι δὲ πρεσβευτικῶν λόγων , οἷς κέχρηται Τίμαιος .
12.25i.4 ὀλίγοι μὲν γὰρ καιροὶ πάντας ἐπιδέχονται διαθέσθαι τοὺς ἐνόντας λόγους , οἱ δὲ πλεῖστοι βραχεῖς καί τινας τῶν ὑπόντων , καὶ τούτων τινὰς μὲν οἱ νῦν , ἄλλους δʼ οἱ προγεγονότες , καὶ τινὰς μὲν Αἰτωλοὶ προσίενται , τινὰς δὲ Πελοποννήσιοι , τινὰς δʼ Ἀθηναῖοι .
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 12.25h.2 | Polyb. 12.25h.6 (English) | >>Polyb. 12.25i.7 |
