| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 12.26b.5 | Polyb. 12.26d.1 (English) | >>Polyb. 12.26d.6 |
12.26c.3 ἐξ ὧν διὰ τὴν ὑπερβολὴν τῆς παραδοξολογίας εἰς διαβολὴν ἤχασι τὴν ὅλην αἵρεσιν , ὥστε καὶ τὰ καλῶς ἀπορούμενα παρὰ τοῖς ἀνθρώποις εἰς ἀπιστίαν ἦχθαι .
12.26c.4 καὶ χωρὶς τῆς ἰδίας ἀστοχίας καὶ τοῖς νέοις τοιοῦτον ἐντετόκασι ζῆλον , ὥστε τῶν μὲν ἠθικῶν καὶ πραγματικῶν λόγων μηδὲ τὴν τυχοῦσαν ἐπίνοιαν ποιεῖσθαι συμβαίνει , διʼ ὧν ὄνησις τοῖς φιλοσοφοῦσι , περὶ δὲ τὰς ἀνωφελεῖς καὶ παραδόξους εὑρεσιλογίας κενοδοξοῦντες κατατρίβουσι τοὺς βίους .
12.26d.1
καὶ μάλιστα ταύτην γʼ ἐνείργασται τὴν δόξαν ἐκ τῶν περὶ τὰς ἀποικίας καὶ κτίσεις καὶ συγγενείας ἀποφάσεων ·
12.26d.3 ἐν γὰρ τούτοις τηλικαύτην ἐπίφασιν ποιεῖ διὰ τῆς ἀκριβολογίας καὶ τῆς πικρίας τῆς ἐπὶ τῶν ἐλέγχων , οἷς χρῆται κατὰ τῶν πέλας , ὥστε δοκεῖν τοὺς ἄλλους συγγραφέας ἅπαντας συγκεκοιμῆσθαι τοῖς πράγμασι καὶ κατεσχεδιακέναι τῆς οἰκουμένης , αὐτὸν δὲ μόνον ἐξητακέναι τὴν ἀκρίβειαν καὶ διευκρινηκέναι τὰς ἐν ἑκάστοις ἱστορίας , ἐν οἷς πολλὰ μὲν ὑγιῶς λέγεται , πολλὰ δὲ καὶ ψευδῶς .
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 12.26b.5 | Polyb. 12.26d.1 (English) | >>Polyb. 12.26d.6 |
