| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 12.4.6 | Polyb. 12.4.13 (English) | >>Polyb. 12.4a.5 |
12.4.10 ὅθεν εἰς τὸν αὐτὸν τόπον προαγομένων καὶ πλειόνων συστημάτων οὐ δύνανται ταῦτα κατὰ γένη τηρεῖν , ἀλλά γε συμπίπτει κατά τε τὰς ἐξελασίας καὶ νομὰς ἀλλήλοις , ὁμοίως δὲ κατὰ τὰς προσαγωγάς .
12.4.11 ἐξ ὧν αὐτοῖς ἐπινενόηται πρὸς τὸ διακρίνειν , ὅταν συμπέσῃ , χωρὶς κόπου καὶ πραγματείας τὸ κατὰ βυκάνην .
12.4.12 ἐπειδὰν γὰρ τῶν νεμόντων ὁ μὲν ἐπὶ τοῦτο τὸ μέρος προάγῃ φωνῶν , ὁ δʼ ἐφʼ ἕτερον ἀποκλίνας , αὐτὰ διʼ αὑτῶν χωρίζεται τὰ θρέμματα καὶ κατακολουθεῖ ταῖς ἰδίαις βυκάναις μετὰ τοιαύτης προθυμίας ὥστε μὴ δυνατὸν εἶναι βιάσασθαι μηδὲ κωλῦσαι μηδενὶ τρόπῳ τὴν ὁρμὴν αὐτῶν .
12.4.13 παρὰ δὲ τοῖς Ἕλλησι κατὰ τοὺς δρυμούς , ἐπειδὰν ἀλλήλοις συμπέσῃ διώκοντα τὸν καρπόν , ὁ πλείονας ἔχων χεῖρας καὶ κατευκαιρήσας περιλαβὼν τοῖς ἰδίοις θρέμμασιν ἀπάγει τὰ τοῦ πλησίον .
12.4.14 ποτὲ δὲ κλέπτης ὑποκαθίσας ἀπήλασεν , οὐδʼ ἐπιγινώσκοντος τοῦ περιάγοντος πῶς ἀπέβαλε , διὰ τὸ μακρὰν ἀποσπᾶσθαι τὰ κτήνη τῶν περιαγόντων , ἁμιλλώμενα περὶ τὸν καρπόν , ὅταν ἀκμὴν ἄρχηται ῥεῖν . πλὴν ταῦτα μὲν ἐπὶ τοσοῦτον .
III. De Aliis Timaei Erroribus
12.4a.1
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 12.4.6 | Polyb. 12.4.13 (English) | >>Polyb. 12.4a.5 |
