| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 12.7.6 | Polyb. 12.9.1 (English) | >>Polyb. 12.10.2 |
12.8.4 ἀλλʼ οὐ σοφιστὴν ὀψιμαθῆ καὶ μισητὸν ὑπάρχοντα καὶ τὸ πολυτίμητον ἰατρεῖον ἀρτίως ἀποκεκλεικότα , πρὸς δὲ τούτοις εἰς πᾶσαν αὐλὴν καὶ σκηνὴν ἐμπεπηδηκότα , πρὸς δὲ γαστρίμαργον , ὀψαρτυτήν , ἐπὶ στόμα φερόμενον ἐν πᾶσι .
12.8.5 δοκεῖ δή μοι τὰ τοιαῦτα μόλις ἂν ἄνθρωπος ἀγύρτης καὶ προπετὴς ἐπὶ δικαστηρίου ῥιψολογῶν ἀνεκτὸς φανῆναι · μέτριος μὲν γὰρ οὐ δοκεῖ .
12.8.6 συγγραφεὺς δὲ κοινῶν πράξεων καὶ προστάτης ἱστορίας ἀληθινὸς οὐδʼ ἂν αὐτὸς ἐν αὑτῷ διανοηθῆναι μή τι δὴ καὶ γράφειν τολμήσαι τοιοῦτον .
12.9.1
οὐκέτι κατὰ τὸν αὐτὸν εἰκότα λόγον χρώμενος τοῖς ἐλέγχοις , ἀλλʼ ἀληθινῶς αὐτὸς ἐπιβαλὼν εἰς τοὺς κατὰ τὴν Ἑλλάδα Λοκρούς , ἐξετάζειν τὰ περὶ τῆς ἀποικίας .
12.9.3 τοὺς δὲ πρῶτον μὲν ἐπιδεικνύειν αὐτῷ συνθήκας ἐγγράπτους , ἔτι καὶ νῦν διαμενούσας , πρὸς τοὺς ἐξαπεσταλμένους , αἷς ὑπογεγράφθαι τὴν ἀρχὴν τοιαύτην ὡς γονεῦσι πρὸς τέκνα .
12.9.4 πρὸς δὲ τούτοις εἶναι δόγματα , καθʼ ἃ πολιτείαν ὑπάρχειν ἑκατέροις παρʼ ἑκατέροις . καθόλου διακούοντας τὴν Ἀριστοτέλους ἐξήγησιν περὶ τῆς ἀποικίας θαυμάζειν τὴν ἰταμότητα τοῦ συγγραφέως .
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 12.7.6 | Polyb. 12.9.1 (English) | >>Polyb. 12.10.2 |
