Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 13.3.6 | Polyb. 13.4.6 (English) | >>Polyb. 13.5.5 |
13.4.3 ὁ δʼ Ἡρακλείδης , ἄνθρωπος εὖ πεφυκὼς πρὸς τὸ κακόν , ἑρμαῖον ἡγησάμενος τὴν ἐπιταγήν , καὶ διανοηθεὶς ἅττα δήποτʼ οὖν παρʼ αὑτῷ , μετά τινα χρόνον ὥρμησε καὶ παρῆν καταπλέων εἰς τὴν Ῥόδον .
13.4.4 συνέβαινε δὲ τὸν Ἡρακλείδην τοῦτον τὸ μὲν γένος ἀνέκαθεν εἶναι Ταραντῖνον , πεφυκέναι δʼ ἐκ βαναύσων καὶ χειροτεχνῶν ἀνθρώπων , μεγάλα δʼ ἐσχηκέναι προτερήματα πρὸς ἀπόνοιαν καὶ ῥᾳδιουργίαν ·
13.4.5 πρῶτον μὲν γὰρ ἀναφανδὸν τῷ σώματι παρεκέχρητο κατὰ τὴν πρώτην ἡλικίαν , εἶτʼ ἀγχίνους ὑπῆρχε καὶ μνήμων , καὶ πρὸς μὲν τοὺς ταπεινοτέρους καταπληκτικώτατος καὶ τολμηρότατος , πρὸς δὲ τοὺς ὑπερέχοντας κολακικώτατος .
13.4.6 οὗτος ἀρχῆθεν μὲν ἐκ τῆς πατρίδος ἐξέπεσε δόξας τὸν Τάραντα πράττειν Ῥωμαίοις , οὐ πολιτικὴν ἔχων δύναμιν , ἀλλʼ ἀρχιτέκτων ὑπάρχων καὶ διά τινας ἐπισκευὰς τῶν τειχῶν κύριος γενόμενος τῶν κλειδῶν τῆς πύλης τῆς ἐπὶ τὸ μεσόγαιον φερούσης ·
13.4.7 καταφυγὼν δὲ πρὸς Ῥωμαίους , καὶ πάλιν ἐκεῖθεν γράφων καὶ διαπεμπόμενος εἰς τὸν Τάραντα καὶ πρὸς Ἀννίβαν , ἐπεὶ καταφανὴς ἐγένετο , προαισθόμενος τὸ μέλλον αὖθις ἔφυγε πρὸς τὸν Φίλιππον .
13.4.8 παρʼ ᾧ τοιαύτην περιεποιήσατο πίστιν καὶ δύναμιν ὥστε τοῦ καταστραφῆναι τὴν τηλικαύτην βασιλείαν σχεδὸν αἰτιώτατος γεγονέναι . —
13.5.1
Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 13.3.6 | Polyb. 13.4.6 (English) | >>Polyb. 13.5.5 |