| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 13.5.6 | Polyb. 13.6.7 (English) | >>Polyb. 13.7.6 |
13.6.4 οὗτοι δʼ ἦσαν ἀνδροφόνοι καὶ παρασχίσται , λωποδύται , τοιχωρύχοι . καθόλου γὰρ τοῦτο τὸ γένος ἡθροίζετο πρὸς αὐτὸν ἐπιμελῶς ἐκ τῆς οἰκουμένης , οἷς ἄβατος ἦν ἡ θρέψασα διʼ ἀσέβειαν καὶ παρανομίαν .
13.6.5 ὧν προστάτην καὶ βασιλέα αὑτὸν ἀναδείξας , καὶ χρώμενος δορυφόροις καὶ σωματοφύλαξι τούτοις , δῆλον ἔμελλε πολυχρόνιον ἔχειν τὴν ἐπʼ ἀσεβείᾳ φήμην καὶ δυναστείαν .
13.6.6 ὅς γε χωρὶς τῶν προειρημένων οὐκ ἐξηρκεῖτο φυγαδεύειν τοὺς πολίτας , ἀλλʼ οὐδὲ τοῖς φεύγουσιν οὐδεὶς τόπος ἦν ἀσφαλὴς οὐδὲ καταφυγὴ βέβαιος .
13.6.7 τοὺς μὲν γὰρ ἐν ταῖς ὁδοῖς ἐπαποστέλλων ἀνῄρει , τοὺς δʼ ἐκ τῶν τόπων ἐπανάγοντας ἐφόνευε .
13.6.8 τὸ δὲ τελευταῖον ἐν ταῖς πόλεσι τὰς σύνεγγυς οἰκίας , ὅπου τις τυγχάνοι κατοικῶν τῶν φυγάδων , μισθούμενος διʼ ἀνυπονοήτων ἀνθρώπων , εἰς ταύτας εἰσέπεμπε Κρῆτας , οἵτινες ῥήγματα ποιοῦντες ἐν τοῖς τοίχοις καὶ διὰ τῶν ὑπαρχουσῶν θυρίδων τοξεύοντες τοὺς μὲν ἑστῶτας τῶν φυγάδων , τοὺς δʼ ἀνακειμένους ἐν ταῖς ἰδίαις οἰκίαις διέφθειρον ,
13.6.9 ὥστε μήτε τόπον εἶναι μηδένα φύξιμον μήτε καιρὸν ἀσφαλῆ τοῖς ταλαιπώροις Λακεδαιμονίοις .
13.6.10 καὶ δὴ τῷ τοιούτῳ
13.7.1
ἦν γὰρ εἴδωλον γυναικεῖον , πολυτελέσιν ἱματίοις ἠμφιεσμένον , κατὰ δὲ τὴν μορφὴν εἰς ὁμοιότητα τῇ τοῦ Νάβιδος γυναικὶ διαφόρως ἀπειργασμένον .
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 13.5.6 | Polyb. 13.6.7 (English) | >>Polyb. 13.7.6 |
