Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 13.6.9 | Polyb. 13.7.9 (English) | >>Polyb. 13.8.7 |
13.7.6 εἰ δέ τινες ἐξαρνούμενοι διωθοῖντο τὴν ἐπιταγήν , ἐπεφθέγγετο λόγον τοιοῦτον ἴσως ἐγὼ μὲν οὐ δύναμαί σε πείθειν , Ἀπῆγαν μέντοι ταύτην δοκῶ σε πείσειν τοῦτο δʼ ἦν ὄνομα τῇ γυναικὶ τοῦ Νάβιδος .
13.7.7 καὶ τοῦτʼ ἔλεγε , καὶ παρῆν ὃ μικρῷ πρότερον ἔλεγον εἴδωλον .
13.7.8 καὶ δεξιωσάμενος , ἐπειδὰν ἐκ τῆς καθέδρας ἀνέστησε τὴν γυναῖκα καὶ περιέπτυξε ταῖς χερσί , προσήγετο κατὰ βραχὺ πρὸς τὰ στέρνα .
13.7.9 τοὺς δὲ πήχεις εἶχε καὶ τὰς χεῖρας πλήρεις σιδηρῶν γόμφων ὑπὸ τοῖς ἱματίοις , ὁμοίως καὶ κατὰ τοὺς μαστούς .
13.7.10 ὅταν προσήρεισε ταῖς χερσὶ πρὸς τὰ νῶτα τῆς γυναικός , κἄπειτα διὰ τῶν ὀργάνων ἑλκόμενον ἐπέτεινε καὶ προσῆγε πρὸς τοὺς μαστοὺς κατʼ ἐλάχιστον , πᾶσαν ἠνάγκαζε φωνὴν προΐεσθαι τὸν πιεζόμενον .
13.7.11 καὶ πολλοὺς δή τινας τῷ τοιούτῳ τρόπῳ διέφθειρε τῶν ἐξαρνουμένων .
13.8.1
ἐκοινώνει μὲν γὰρ τοῖς Κρησὶ τῶν κατὰ θάλατταν λῃστειῶν · εἶχε δὲ καθʼ ὅλην τὴν Πελοπόννησον ἱεροσύλους , ὁδοιδόκους , φονέας , οἷς μερίτης γινόμενος τῶν ἐκ τῆς ῥᾳδιουργίας λυσιτελῶν ὁρμητήριον καὶ καταφυγὴν παρείχετο τούτοις τὴν Σπάρτην .
13.8.3 πλὴν κατά γε τοὺς καιροὺς τούτους ξένοι τῶν ἀπὸ τῆς Βοιωτίας εἰς τὴν Λακεδαίμονα παρεπιδημήσαντες ἐψυχαγώγησάν τινα τῶν τοῦ Νάβιδος ἱπποκόμων ὥστε συναποχωρῆσαι μεθʼ ἑαυτῶν ἔχοντα λευκὸν ἵππον , ὃς ἐδόκει γενναιότατος εἶναι τῶν ἐκ τῆς τυραννικῆς ἱπποστάσεως .
Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 13.6.9 | Polyb. 13.7.9 (English) | >>Polyb. 13.8.7 |