| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 15.10.1 | Polyb. 15.10.6 (English) | >>Polyb. 15.11.6 |
15.10.4 ἀσφάλειαν γὰρ τοῖς φυγοῦσιν οὐδεὶς ἱκανὸς περιποιῆσαι τόπος τῶν ἐν τῇ Λιβύῃ · πεσοῦσι δʼ ὑπὸ τὰς τῶν Καρχηδονίων χεῖρας οὐκ ἄδηλα εἶναι τὰ συμβησόμενα τοῖς ὀρθῶς λογιζομένοις · ὧν ἔφη μηδενὶ γένοιτο πεῖραν ὑμῶν λαβεῖν .
15.10.5 τῆς δʼ οὖν τύχης ἡμῖν τὰ μέγιστα τῶν ἄθλων εἰς ἑκάτερον τὸ μέρος ἐκτεθεικυίας , πῶς οὐκ ἂν εἴημεν ἀγεννέστατοι καὶ συλλήβδην ἀφρονέστατοι πάντων , εἰ παρέντες τὰ κάλλιστα τῶν ἀγαθῶν ἑλοίμεθα τὰ μέγιστα τῶν κακῶν διὰ φιλοζωίαν ;
15.10.6 διόπερ ἠξίου δύο προθεμένους , ταῦτα δʼ ἐστὶν ἢ νικᾶν ἢ θνήσκειν , ὁμόσε χωρεῖν εἰς τοὺς πολεμίους .
15.10.7 τοὺς γὰρ τοιαύτας ἔχοντας διαλήψεις κατʼ ἀνάγκην ἀεὶ κρατεῖν τῶν ἀντιταττομένων , ἐπειδὰν ἀπελπίσαντες τοῦ ζῆν ἴωσιν εἰς τὴν μάχην .
15.11.1
τούτων δὲ κατόπιν παρενέβαλε τοὺς ἐγχωρίους Λίβυας καὶ Καρχηδονίους , ἐπὶ δὲ πᾶσι τοὺς ἐξ Ἰταλίας ἥκοντας μεθʼ αὑτοῦ , πλεῖον ἢ στάδιον ἀποστήσας τῶν προτεταγμένων .
15.11.3 τὰ δὲ κέρατα διὰ τῶν ἱππέων ἠσφαλίσατο , θεὶς ἐπὶ μὲν τὸ λαιὸν τοὺς συμμάχους Νομάδας , ἐπὶ δὲ τὸ δεξιὸν τοὺς τῶν Καρχηδονίων ἱππεῖς .
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 15.10.1 | Polyb. 15.10.6 (English) | >>Polyb. 15.11.6 |
