| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 15.13.2 | Polyb. 15.13.10 (English) | >>Polyb. 15.14.8 |
15.13.7 καὶ δὴ τῷ τοιούτῳ τρόπῳ συνέχεαν ἐπιπεσόντες τὰς τῶν ἁστάτων σημαίας · οἱ μέντοι τῶν πριγκίπων ἡγεμόνες συνθεασάμενοι τὸ γεγονὸς ἐπέστησαν τὰς αὑτῶν τάξεις .
15.13.8 τῶν δὲ μισθοφόρων καὶ τῶν Καρχηδονίων τὸ πλεῖστον μέρος τὸ μὲν ὑφʼ αὑτῶν , τὸ δʼ ὑπὸ τῶν ἁστάτων αὐτοῦ κατεκόπη .
15.13.9 τοὺς δὲ διασῳζομένους καὶ φεύγοντας οὐκ εἴασε καταμιγῆναι ταῖς δυνάμεσιν Ἀννίβας , ἀλλὰ προβαλέσθαι παραγγείλας τοῖς ἐπιστάταις ἐκώλυσε μὴ παραδέξασθαι τοὺς ἐγγίζοντας .
15.13.10 ὅθεν ἠναγκάσθησαν οὗτοι μὲν ποιεῖσθαι τὴν ἀποχώρησιν ἐπὶ τὰ κέρατα καὶ τὰς ἐκ τούτων
15.14.1
ὅ τε γὰρ τῶν νεκρῶν ὄλισθος , ὡς ἂν αἱμοφύρτων καὶ σωρηδὸν πεπτωκότων , ἥ τε τῶν χύδην ἐρριμμένων ὅπλων ὁμοῦ τοῖς πτώμασιν ἀλογία δυσχερῆ τὴν δίοδον ἔμελλε ποιήσειν τοῖς ἐν τάξει διαπορευομένοις .
15.14.3 οὐ μὴν ἀλλὰ τοὺς μὲν τραυματίας εἰς τοὐπίσω τῆς παρατάξεως κομισάμενος , τοὺς δʼ ἐπιδιώκοντας τῶν ἁστάτων ἀνακαλεσάμενος διὰ τῆς σάλπιγγος , τοὺς μὲν αὐτοῦ πρὸ τῆς μάχης κατὰ μέσους τοὺς πολεμίους ἐπέστησε ,
15.14.4 τοὺς δὲ πρίγκιπας καὶ τριαρίους πυκνώσας ἐφʼ ἑκάτερον τὸ κέρας προάγειν παρήγγειλε διὰ τῶν νεκρῶν .
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 15.13.2 | Polyb. 15.13.10 (English) | >>Polyb. 15.14.8 |
