| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 15.32.4 | Polyb. 15.32.11 (English) | >>Polyb. 15.33.9 |
15.32.8 τοῦ δὲ κατανεύσαντος , τῶν μὲν σωματοφυλάκων τισὶν εἶπε δηλῶσαι τὴν τοῦ βασιλέως γνώμην , τὸ δὲ παιδίον ἀναστήσας ἀπῆγε πρὸς τὴν θεραπείαν εἰς τὴν ἰδίαν οἰκίαν , σύνεγγυς οὖσαν .
15.32.9 τῶν δὲ διασαφούντων τὰ παρὰ τοῦ βασιλέως , κατερρήγνυτο πᾶς ὁ τόπος ὑπὸ τοῦ κρότου καὶ τῆς κραυγῆς .
15.32.10 οἱ δὲ περὶ τὸν Ἀγαθοκλέα καὶ τὴν Ἀγαθόκλειαν ἐν τούτῳ τῷ καιρῷ διεχωρίσθησαν ἀλλήλων εἰς τὰς ἰδίας καταλύσεις . ταχὺ δὲ τῶν στρατιωτῶν τινες ,
15.32.11 οἱ μὲν ἐθελοντήν , οἱ δʼ ὑπὸ τοῦ πλήθους ἐξωθούμενοι , παρώρμησαν ἐπὶ τὸ ζητεῖν τοὺς προειρημένους .
15.33.1
τῶν γὰρ Ἀγαθοκλέους ὑπηρετῶν καὶ κολάκων τις ὄνομα Φίλων ἐξῆλθε κραιπαλῶν εἰς τὸ στάδιον .
15.33.3 οὗτος θεωρῶν τὴν ὁρμὴν τῶν ὄχλων εἶπε πρὸς τοὺς παρεστῶτας ὅτι πάλιν αὐτοῖς , καθάπερ καὶ πρῴην , ἐὰν Ἀγαθοκλῆς ἐξέλθῃ , μεταμελήσει .
15.33.4 τῶν δʼ ἀκουσάντων οἱ μὲν ἀπελοιδόρουν αὐτόν , οἱ δὲ προώθουν . ἐπιβαλομένου δʼ ἀμύνεσθαι ταχέως οἱ μὲν τὴν χλαμύδα περιέρρηξαν , οἱ δὲ τὰς λόγχας προσερείσαντες ἐξεκέντησαν .
15.33.5 ἅμα δὲ τῷ τοῦτον εἰς τὸ μέσον ἑλκυσθῆναι μεθʼ ὕβρεως ἔτι σπαίροντα , καὶ γεύσασθαι τὰ πλήθη φόνου , πάντες ἐκαραδόκουν τὴν τῶν ἄλλων παρουσίαν .
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 15.32.4 | Polyb. 15.32.11 (English) | >>Polyb. 15.33.9 |
