| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 16.19.2 | Polyb. 16.19.10 (English) | >>Polyb. 16.20.6 |
16.19.7 ποῦ δʼ ὁ βασιλεὺς γέγονεν , ἢ τίνα παρέσχηται χρείαν ἐν τῇ μάχῃ , τὸ κάλλιστον σύστημα περὶ αὑτὸν ἐσχηκὼς καὶ τῶν πεζῶν καὶ τῶν ἱππέων ; ἁπλῶς γὰρ οὐδὲν εἴρηται περὶ τούτων .
16.19.8 ποῦ δʼ ὁ πρεσβύτερος τῶν υἱῶν Ἀντίοχος ὁ μετὰ μέρους τινὸς τῆς δυνάμεως προκαταλαβόμενος τοὺς ὑπερδεξίους τόπους ;
16.19.9 οὗτος μὲν γὰρ οὐδʼ εἰς τὴν στρατοπεδείαν ἀνακεχώρηκεν αὐτῷ μετὰ τὴν μάχην . εἰκότως · δύο γὰρ Ἀντιόχους ὑπέθετο τοῦ βασιλέως υἱούς , ὄντος ἑνὸς τοῦ τότε συνεστρατευμένου .
16.19.10 πῶς δʼ ὁ Σκόπας ἅμα μὲν αὐτῷ πρῶτος , ἅμα δʼ ἔσχατος ἀναλέλυκεν ἐκ τοῦ κινδύνου ; φησὶ γὰρ αὐτὸν ἰδόντα τοὺς περὶ τὸν νεώτερον Ἀντίοχον ἐκ τοῦ διώγματος ἐπιφαινομένους κατὰ νώτου τοῖς φαλαγγίταις , καὶ διὰ τοῦτο τὰς τοῦ νικᾶν ἐλπίδας ἀπογνόντα , ποιεῖσθαι τὴν ἀποχώρησιν ·
16.19.11 μετὰ δὲ ταῦτα συστῆναι τὸν μέγιστον κίνδυνον , κυκλωθείσης τῆς φάλαγγος ὑπό τε τῶν θηρίων καὶ τῶν ἱππέων , καὶ τελευταῖον ἀποχωρῆσαι τὸν Σκόπαν ἀπὸ τοῦ κινδύνου .
16.20.1
διὸ δεῖ μάλιστα μὲν πειρᾶσθαι πάντων κρατεῖν τῶν τῆς ἱστορίας μερῶν · καλὸν γάρ · εἰ δὲ μὴ τοῦτο δυνατόν , τῶν ἀναγκαιοτάτων καὶ τῶν μεγίστων ἐν αὐτῇ πλείστην ποιεῖσθαι πρόνοιαν .
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 16.19.2 | Polyb. 16.19.10 (English) | >>Polyb. 16.20.6 |
