| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 16.19.4 | Polyb. 16.19.11 (English) | >>Polyb. 16.20.7 |
16.19.9 οὗτος μὲν γὰρ οὐδʼ εἰς τὴν στρατοπεδείαν ἀνακεχώρηκεν αὐτῷ μετὰ τὴν μάχην . εἰκότως · δύο γὰρ Ἀντιόχους ὑπέθετο τοῦ βασιλέως υἱούς , ὄντος ἑνὸς τοῦ τότε συνεστρατευμένου .
16.19.10 πῶς δʼ ὁ Σκόπας ἅμα μὲν αὐτῷ πρῶτος , ἅμα δʼ ἔσχατος ἀναλέλυκεν ἐκ τοῦ κινδύνου ; φησὶ γὰρ αὐτὸν ἰδόντα τοὺς περὶ τὸν νεώτερον Ἀντίοχον ἐκ τοῦ διώγματος ἐπιφαινομένους κατὰ νώτου τοῖς φαλαγγίταις , καὶ διὰ τοῦτο τὰς τοῦ νικᾶν ἐλπίδας ἀπογνόντα , ποιεῖσθαι τὴν ἀποχώρησιν ·
16.19.11 μετὰ δὲ ταῦτα συστῆναι τὸν μέγιστον κίνδυνον , κυκλωθείσης τῆς φάλαγγος ὑπό τε τῶν θηρίων καὶ τῶν ἱππέων , καὶ τελευταῖον ἀποχωρῆσαι τὸν Σκόπαν ἀπὸ τοῦ κινδύνου .
16.20.1
διὸ δεῖ μάλιστα μὲν πειρᾶσθαι πάντων κρατεῖν τῶν τῆς ἱστορίας μερῶν · καλὸν γάρ · εἰ δὲ μὴ τοῦτο δυνατόν , τῶν ἀναγκαιοτάτων καὶ τῶν μεγίστων ἐν αὐτῇ πλείστην ποιεῖσθαι πρόνοιαν .
θεωρῶν νῦν , καθάπερ καὶ ἐπὶ τῶν ἄλλων τεχνῶν καὶ ἐπιτηδευμάτων , τὸ μὲν ἀληθινὸν καὶ πρὸς τὴν χρείαν ἀνῆκον ἐν ἑκάστοις ἐπισεσυρμένον ,
16.20.4 τὸ δὲ πρὸς ἀλαζονείαν καὶ φαντασίαν ἐπαινούμενον καὶ ζηλούμενον , ὡς μέγα τι καὶ θαυμάσιον , ὃ καὶ τὴν κατασκευὴν ἔχει ῥᾳδιεστέραν καὶ τὴν εὐδόκησιν ὀλιγοδεεστέραν , καθάπερ αἱ λοιπαὶ τῶν γραφῶν .
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 16.19.4 | Polyb. 16.19.11 (English) | >>Polyb. 16.20.7 |
