| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 18.10.3 | Polyb. 18.10.9 (English) | >>Polyb. 18.11.6 |
18.10.7 καὶ τὸν μὲν Ἀμύνανδρον εἰς τὴν Ῥώμην ἐξέπεμπε παραχρῆμα , γινώσκων αὐτὸν εὐάγωγον μὲν ὄντα καὶ ῥᾳδίως ἐξακολουθήσοντα τοῖς ἐκεῖ φίλοις , ἐφʼ ὁπότερʼ ἂν ἄγωσιν αὐτόν , φαντασίαν δὲ ποιήσοντα καὶ προσδοκίαν διὰ τὸ τῆς βασιλείας ὄνομα .
18.10.8 μετὰ δὲ τοῦτον ἐξέπεμπε τοὺς παρʼ αὑτοῦ πρέσβεις , Κόιντόν τε τὸν Φάβιον , ὃς ἦν αὐτῷ τῆς γυναικὸς ἀδελφιδοῦς , καὶ Κόιντον Φολούιον , σὺν δὲ τούτοις Ἄππιον Κλαύδιον ἐπικαλούμενον Νέρωνα .
18.10.9 παρὰ δὲ τῶν Αἰτωλῶν ἐπρέσβευον Ἀλέξανδρος Ἴσιος , Δαμόκριτος Καλυδώνιος , Δικαίαρχος Τριχωνιεύς , Πολέμαρχος Ἀρσινοεύς ,
18.10.10 Λάμιος Ἀμβρακιώτης , Νικόμαχος Ἀκαρνὰν τῶν ἐκ Θουρίου πεφευγότων κατοικούντων δʼ ἐν Ἀμβρακίᾳ , Θεόδοτος Φεραῖος , φυγὰς ἐκ Θετταλίας ,
18.10.11 κατοικῶν δʼ ἐν Στράτῳ , παρὰ δὲ τῶν Ἀχαιῶν Ξενοφῶν Αἰγιεύς , παρὰ δὲ τοῦ βασιλέως Ἀττάλου μόνος Ἀλέξανδρος , παρὰ δὲ τοῦ δήμου τῶν Ἀθηναίων οἱ περὶ Κηφισόδωρον .
18.11.1
πεπεισμένων δὲ τῶν τοῦ Τίτου φίλων μένειν τοὺς ὑπάτους ἀμφοτέρους κατὰ τὴν Ἰταλίαν διὰ τὸν ἀπὸ τῶν Κελτῶν φόβον , εἰσελθόντες εἰς τὴν σύγκλητον πάντες κατηγόρουν ἀποτόμως τοῦ Φιλίππου .
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 18.10.3 | Polyb. 18.10.9 (English) | >>Polyb. 18.11.6 |
