| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 18.11.6 | Polyb. 18.12.1 (English) | >>Polyb. 18.13.4 |
18.11.11 ταῦτα δʼ εἰπόντες παρεκάλουν μήτε τοὺς Ἕλληνας ψεῦσαι τῶν περὶ τῆς ἐλευθερίας ἐλπίδων μήθʼ ἑαυτοὺς ἀποστερῆσαι τῆς καλλίστης ἐπιγραφῆς .
18.11.12 οἱ μὲν οὖν παρὰ τῶν Ἑλλήνων πρέσβεις ταῦτα καὶ τούτοις παραπλήσια διελέχθησαν , οἱ δὲ παρὰ τοῦ Φιλίππου παρεσκευάσαντο μὲν ὡς ἐπὶ πλεῖον ποιησόμενοι τοὺς λόγους , ἐν ἀρχαῖς δʼ εὐθέως ἐκωλύθησαν ·
18.11.13 ἐρωτηθέντες γὰρ εἰ παραχωροῦσι Χαλκίδος καὶ Κορίνθου καὶ Δημητριάδος , ἀπεῖπαν μηδεμίαν ἔχειν περὶ τούτων ἐντολήν .
18.11.14
18.12.1
ταχὺ δὲ τούτων εἰς τὴν Ἑλλάδα διασαφηθέντων ἐγεγόνει τῷ Τίτῳ πάντα κατὰ νοῦν , ἐπὶ βραχὺ μὲν καὶ ταὐτομάτου συνεργήσαντος , τὸ δὲ πολὺ διὰ τῆς αὐτοῦ προνοίας ἁπάντων κεχειρισμένων .
18.12.3 πάνυ γὰρ ἀγχίνους , εἰ καί τις ἕτερος Ῥωμαίων , καὶ ὁ προειρημένος ἀνὴρ γέγονεν ·
18.12.4 οὕτως γὰρ εὐστόχως ἐχείριζε καὶ νουνεχῶς οὐ μόνον τὰς κοινὰς ἐπιβολάς , ἀλλὰ καὶ τὰς κατʼ ἰδίαν ἐντεύξεις , ὥσθʼ ὑπερβολὴν μὴ καταλιπεῖν .
18.12.5 καίτοι γε καὶ νέος ἦν κομιδῇ · πλείω γὰρ τῶν τριάκοντʼ ἐτῶν οὐκ εἶχε · καὶ πρῶτος εἰς τὴν Ἑλλάδα διαβεβήκει μετὰ στρατοπέδων . —
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 18.11.6 | Polyb. 18.12.1 (English) | >>Polyb. 18.13.4 |
