| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 18.19.5 | Polyb. 18.19.12 (English) | >>Polyb. 18.20.8 |
18.19.9 τῇ δʼ ἐπαύριον ἐξέπεμψαν ἀμφότεροι κατασκοπῆς ἕνεκα τῶν ἱππέων καὶ τῶν εὐζώνων περὶ τριακοσίους ἑκατέρων , ἐν οἷς ὁ Τίτος καὶ τῶν Αἰτωλῶν δύʼ οὐλαμοὺς ἐξαπέστειλε διὰ τὴν ἐμπειρίαν τῶν τόπων ·
18.19.10 οἳ καὶ συμμίξαντες ἀλλήλοις ἐπὶ τάδε τῶν Φερῶν ὡς πρὸς Λάρισαν συνέβαλλον ἐκθύμως .
18.19.11 τῶν δὲ περὶ τὸν Εὐπόλεμον τὸν Αἰτωλὸν εὐρώστως κινδυνευόντων καὶ συνεκκαλουμένων τοὺς Ἰταλικοὺς πρὸς τὴν χρείαν , θλίβεσθαι συνέβαινε τοὺς Μακεδόνας .
18.19.12 καὶ τότε μὲν ἐπὶ πολὺν χρόνον ἀκροβολισάμενοι διεχωρίσθησαν εἰς τὰς αὑτῶν παρεμβολάς ·
18.20.1
ὁ μὲν οὖν Φίλιππος ἐποιεῖτο τὴν πορείαν ὡς ἐπὶ τὴν Σκοτοῦσσαν , σπεύδων ἐκ ταύτης τῆς πόλεως ἐφοδιάσασθαι , μετὰ δὲ ταῦτα γενόμενος εὐτρεπὴς λαβεῖν τόπους ἁρμόζοντας ταῖς αὑτοῦ δυνάμεσιν ·
18.20.3 ὁ δὲ Τίτος ὑποπτεύσας τὸ μέλλον ἐκίνει τὴν δύναμιν ἅμα τῷ Φιλίππῳ , σπεύδων προκαταφθεῖραι τὸν ἐν τῇ Σκοτουσσαίᾳ σῖτον .
18.20.4 τῆς δʼ ἑκατέρων πορείας μεταξὺ κειμένων ὄχθων ὑψηλῶν , οὔθʼ οἱ Ῥωμαῖοι συνεώρων τοὺς Μακεδόνας , ποῖ ποιοῦνται τὴν πορείαν , οὔθʼ οἱ Μακεδόνες τοὺς Ῥωμαίους .
18.20.5 ταύτην μὲν οὖν τὴν ἡμέραν ἑκάτεροι διανύσαντες , ὁ μὲν Τίτος ἐπὶ τὴν προσαγορευομένην Ἐρέτριαν τῆς Φθιώτιδος χώρας , ὁ δὲ Φίλιππος ἐπὶ τὸν Ὀγχηστὸν ποταμόν , αὐτοῦ κατέζευξαν , ἀγνοοῦντες ἀμφότεροι τὰς ἀλλήλων παρεμβολάς ·
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 18.19.5 | Polyb. 18.19.12 (English) | >>Polyb. 18.20.8 |
