Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 18.24.4 | Polyb. 18.25.1 (English) | >>Polyb. 18.25.7 |
18.24.8 προσδεξάμενος δὲ τοὺς ἀγωνιζομένους , τούτους μὲν ἥθροιζε πάντας ἐπὶ τὸ δεξιὸν κέρας , καὶ τοὺς πεζοὺς καὶ τοὺς ἱππέας , τοῖς δὲ πελτασταῖς καὶ τοῖς φαλαγγίταις παρήγγελλε διπλασιάζειν τὸ βάθος καὶ πυκνοῦν ἐπὶ τὸ δεξιόν . γενομένου δὲ τούτου ,
18.24.9 καὶ τῶν πολεμίων ἐν χερσὶν ὄντων , τοῖς μὲν φαλαγγίταις ἐδόθη παράγγελμα καταβαλοῦσι τὰς σαρίσας ἐπάγειν , τοῖς δʼ εὐζώνοις κερᾶν .
18.24.10 κατὰ δὲ τὸν αὐτὸν καιρὸν καὶ Τίτος , δεξάμενος εἰς τὰ διαστήματα τῶν σημαιῶν τοὺς προκινδυνεύοντας , προσέβαλε τοῖς πολεμίοις .
18.25.1
τὸ μὲν οὖν δεξιὸν τοῦ Φιλίππου λαμπρῶς ἀπήλλαττε κατὰ τὸν κίνδυνον , ἅτε καὶ τὴν ἔφοδον ἐξ ὑπερδεξίου ποιούμενον καὶ τῷ βάρει τῆς συντάξεως ὑπερέχον καὶ τῇ διαφορᾷ τοῦ καθοπλισμοῦ πρὸς τὴν ἐνεστῶσαν χρείαν πολὺ παραλλάττον ·
18.25.3 τὰ δὲ λοιπὰ μέρη τῆς δυνάμεως αὐτῷ τὰ μὲν ἐχόμενα τῶν κινδυνευόντων ἐν ἀποστάσει τῶν πολεμίων ἦν , τὰ δʼ ἐπὶ τῶν εὐωνύμων ἄρτι διηνυκότα τὰς ὑπερβολὰς ἐπεφαίνετο τοῖς ἄκροις .
18.25.4 ὁ δὲ Τίτος , θεωρῶν οὐ δυναμένους τοὺς παρʼ αὑτοῦ στέγειν τὴν τῆς φάλαγγος ἔφοδον , ἀλλʼ ἐκπιεζουμένους τοὺς ἐπὶ τῶν εὐωνύμων , καὶ τοὺς μὲν ἀπολωλότας ἤδη , τοὺς δʼ ἐπὶ πόδα ποιουμένους τὴν ἀναχώρησιν , ἐν δὲ τοῖς δεξιοῖς μέρεσι καταλειπομένας τῆς σωτηρίας τὰς ἐλπίδας ,
Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 18.24.4 | Polyb. 18.25.1 (English) | >>Polyb. 18.25.7 |