| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 18.25.1 | Polyb. 18.25.6 (English) | >>Polyb. 18.26.7 |
18.25.4 ὁ δὲ Τίτος , θεωρῶν οὐ δυναμένους τοὺς παρʼ αὑτοῦ στέγειν τὴν τῆς φάλαγγος ἔφοδον , ἀλλʼ ἐκπιεζουμένους τοὺς ἐπὶ τῶν εὐωνύμων , καὶ τοὺς μὲν ἀπολωλότας ἤδη , τοὺς δʼ ἐπὶ πόδα ποιουμένους τὴν ἀναχώρησιν , ἐν δὲ τοῖς δεξιοῖς μέρεσι καταλειπομένας τῆς σωτηρίας τὰς ἐλπίδας ,
18.25.5 ταχέως ἀφορμήσας πρὸς τούτους , καὶ συνθεασάμενος τῆς τῶν πολεμίων τὰ μὲν συνεχῆ τοῖς διαγωνιζομένοις , τὰ δʼ ἐκ τῶν ἄκρων ἀκμὴν ἐπικαταβαίνοντα , τὰ δʼ ἔτι τοῖς ἄκροις ἐφεστῶτα , προθέμενος τὰ θηρία προσῆγε τὰς σημαίας τοῖς πολεμίοις .
18.25.6 οἱ δὲ Μακεδόνες , οὔτε τὸν παραγγελοῦντʼ ἔχοντες οὔτε συστῆναι δυνάμενοι καὶ λαβεῖν τὸ τῆς φάλαγγος ἴδιον σχῆμα διά τε τὰς τῶν τόπων δυσχερείας καὶ διὰ τὸ τοῖς ἀγωνιζομένοις ἑπόμενοι πορείας ἔχειν διάθεσιν καὶ μὴ παρατάξεως ,
18.25.7 οὐδὲ προσεδέξαντο τοὺς Ῥωμαίους εἰς τὰς χεῖρας ἔτι , διʼ αὐτῶν δὲ τῶν θηρίων πτοηθέντες καὶ διασπασθέντες ἐνέκλιναν .
18.26.1
εἷς δὲ τῶν χιλιάρχων τῶν ἅμα τούτοις , σημαίας ἔχων οὐ πλείους εἴκοσι , καὶ παρʼ αὐτὸν τὸν τῆς χρείας καιρὸν συμφρονήσας ὃ δέον εἴη ποιεῖν , μεγάλα συνεβάλετο πρὸς τὴν τῶν ὅλων κατόρθωσιν .
18.26.3 θεωρῶν γὰρ τοὺς περὶ τὸν Φίλιππον ἐπὶ πολὺ προπεπτωκότας τῶν ἄλλων καὶ πιεζοῦντας τῷ βάρει τὸ σφέτερον εὐώνυμον , ἀπολιπὼν τοὺς ἐπὶ τοῦ δεξιοῦ νικῶντας ἤδη καταφανῶς , ἐπιστρέψας ἐπὶ τοὺς ἀγωνιζομένους καὶ κατόπιν ἐπιγενόμενος προσέβαλλε κατὰ νώτου τοῖς Μακεδόσι .
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 18.25.1 | Polyb. 18.25.6 (English) | >>Polyb. 18.26.7 |
