| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 18.26.4 | Polyb. 18.26.12 (English) | >>Polyb. 18.28.1 |
18.26.9 Τίτος δὲ τοῖς φεύγουσιν ἑπόμενος , καὶ καταλαβὼν ἐν ταῖς ὑπερβολαῖς ἄρτι τοῖς ἄκροις ἐπιβαλλούσας τὰς εὐωνύμους τάξεις τῶν Μακεδόνων τὰς μὲν ἀρχὰς ἐπέστη , τῶν πολεμίων ὀρθὰς ἀνασχόντων τὰς σαρίσας ,
18.26.10 ὅπερ ἔθος ἐστὶ ποιεῖν τοῖς Μακεδόσιν , ὅταν ἢ παραδιδῶσιν αὑτοὺς ἢ μεταβάλλωνται πρὸς τοὺς ὑπεναντίους ·
18.26.11 μετὰ δὲ ταῦτα πυθόμενος τὴν αἰτίαν τοῦ συμβαίνοντος παρακατεῖχε τοὺς μεθʼ αὑτοῦ φείσασθαι κρίνων τῶν ἀποδεδειλιακότων .
18.26.12 ἀκμὴν δὲ τοῦ Τίτου ταῦτα διανοουμένου τῶν προηγουμένων τινὲς ἐπιπεσόντες αὐτοῖς ἐξ ὑπερδεξίου προσέφερον τὰς χεῖρας , καὶ τοὺς μὲν πλείους διέφθειρον , ὀλίγοι δέ τινες διέφυγον ῥίψαντες τὰ ὅπλα .
18.27.1
καὶ τῇ μὲν πρώτῃ περὶ τὸν Ἀλεξάνδρου καλούμενον πύργον ηὐλίσθη , τῇ δʼ ὑστεραίᾳ προελθὼν εἰς Γόννους ἐπὶ τὴν εἰσβολὴν τῶν Τεμπῶν ἐπέμεινε , βουλόμενος ἀναδέξασθαι τοὺς ἐκ τῆς φυγῆς ἀνασῳζομένους .
18.27.3 οἱ δὲ Ῥωμαῖοι , μέχρι μέν τινος ἐπακολουθήσαντες τοῖς φεύγουσιν , οἱ μὲν ἐσκύλευον τοὺς τεθνεῶτας , οἱ δὲ τοὺς αἰχμαλώτους ἥθροιζον , οἱ δὲ πλείους ὥρμησαν ἐπὶ τὴν διαρπαγὴν τοῦ τῶν πολεμίων χάρακος ·
18.27.4 ἔνθα δὴ καταλαβόντες τοὺς Αἰτωλοὺς προεμπεπτωκότας καὶ δόξαντες στέρεσθαι τῆς σφίσι καθηκούσης ὠφελείας , ἤρξαντο καταμέμφεσθαι τοὺς Αἰτωλοὺς καὶ λέγειν πρὸς τὸν στρατηγὸν ὅτι τοὺς μὲν κινδύνους αὐτοῖς ἐπιτάττει , τῆς δʼ ὠφελείας ἄλλοις παρακεχώρηκε .
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 18.26.4 | Polyb. 18.26.12 (English) | >>Polyb. 18.28.1 |
