Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 18.3.6 | Polyb. 18.3.12 (English) | >>Polyb. 18.4.7 |
18.3.9 τοσαύτας γὰρ διεφθαρκέναι πόλεις ἐν Θετταλίᾳ , φίλον ὄντα καὶ σύμμαχον , καθʼ ὃν καιρὸν ἐκ τῶν ἐν Ἠπείρῳ στενῶν ἐποιεῖτο τὴν σπουδήν , ὅσας οὐδείς ποτε τῶν Θετταλοῖς πεπολεμηκότων διέφθειρε .
18.3.10 πολλὰ δὲ καὶ ἕτερα πρὸς ταύτην τὴν ὑπόθεσιν διαλεχθεὶς τελευταίοις ἐχρήσατο τούτοις .
18.3.11 ἤρετο γὰρ τὸν Φίλιππον διὰ τί Λυσιμάχειαν μετʼ Αἰτωλῶν ταττομένην καὶ στρατηγὸν ἔχουσαν παρʼ αὐτῶν ἐκβαλὼν τοῦτον κατάσχοι φρουρᾷ τὴν πόλιν ·
18.3.12 διὰ τί δὲ Κιανούς , παραπλησίως μετʼ Αἰτωλῶν συμπολιτευομένους ἐξανδραποδίσαιτο , φίλος ὑπάρχων Αἰτωλοῖς · τί δὲ λέγων κατέχει νῦν Ἐχῖνον καὶ Θήβας τὰς Φθίας καὶ Φάρσαλον καὶ Λάρισαν .
18.4.1
σαφῶς γὰρ πάντας γινώσκειν ὅτι τοὺς ἰδίους συμμάχους ἑκὼν μὲν οὐδεὶς διαφθείρει , κατὰ δὲ τὰς τῶν καιρῶν περιστάσεις πολλὰ ποιεῖν ἀναγκάζεσθαι τοὺς ἡγουμένους παρὰ τὰς ἑαυτῶν προαιρέσεις .
18.4.3 ἔτι δὲ ταῦτα λέγοντος τοῦ βασιλέως ὁ Φαινέας , ἠλαττωμένος τοῖς ὄμμασιν ἐπὶ πλεῖον , ὑπέκρουε τὸν Φίλιππον , φάσκων αὐτὸν ληρεῖν · δεῖν γὰρ ἢ μαχόμενον νικᾶν ἢ ποιεῖν τοῖς κρείττοσι τὸ προσταττόμενον .
Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 18.3.6 | Polyb. 18.3.12 (English) | >>Polyb. 18.4.7 |