| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 18.30.2 | Polyb. 18.30.9 (English) | >>Polyb. 18.31.6 |
18.30.6 ἵστανται μὲν οὖν ἐν τρισὶ ποσὶ μετὰ τῶν ὅπλων καὶ Ῥωμαῖοι ·
18.30.7 τῆς μάχης δʼ αὐτοῖς κατʼ ἄνδρα τὴν κίνησιν λαμβανούσης διὰ τὸ τῷ μὲν θυρεῷ σκέπειν τὸ σῶμα , συμμετατιθεμένους αἰεὶ πρὸς τὸν τῆς πληγῆς καιρόν , τῇ μαχαίρᾳ δʼ ἐκ καταφορᾶς καὶ διαιρέσεως ποιεῖσθαι τὴν μάχην ,
18.30.8 προφανὲς ὅτι χάλασμα καὶ διάστασιν ἀλλήλων ἔχειν δεήσει τοὺς ἄνδρας ἐλάχιστον τρεῖς πόδας κατʼ ἐπιστάτην καὶ κατὰ παραστάτην , εἰ μέλλουσιν εὐχρηστεῖν πρὸς τὸ δέον .
18.30.9 ἐκ δὲ τούτου συμβήσεται τὸν ἕνα Ῥωμαῖον ἵστασθαι κατὰ δύο πρωτοστάτας τῶν φαλαγγιτῶν , ὥστε πρὸς δέκα σαρίσας αὐτῷ γίνεσθαι τὴν ἀπάντησιν καὶ τὴν μάχην ,
18.30.10 ἃς οὔτε κόπτοντα τὸν ἕνα καταταχῆσαι δυνατόν , ὅταν ἅπαξ συνάψωσιν εἰς τὰς χεῖρας , οὔτε βιάσασθαι ῥᾴδιον , μηδέν γε τῶν ἐφεστώτων δυναμένων συμβάλλεσθαι τοῖς πρωτοστάταις μήτε πρὸς τὴν βίαν μήτε πρὸς τὴν τῶν μαχαιρῶν ἐνέργειαν .
18.30.11 ἐξ ὧν εὐκατανόητον ὡς οὐχ οἷόν τε μεῖναι κατὰ πρόσωπον τὴν τῆς φάλαγγος ἔφοδον οὐδέν , διατηρούσης τὴν αὑτῆς ἰδιότητα καὶ δύναμιν , ὡς ἐν ἀρχαῖς εἶπα .
18.31.1
ὅτι συμβαίνει τὸν μὲν πόλεμον ἀορίστους ἔχειν καὶ τοὺς καιροὺς καὶ τοὺς τόπους τοὺς πρὸς τὴν χρείαν , τῆς δὲ φάλαγγος ἕνα καιρὸν εἶναι καὶ τόπων ἓν γένος , ἐν οἷς δύναται τὴν αὑτῆς χρείαν ἐπιτελεῖν .
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 18.30.2 | Polyb. 18.30.9 (English) | >>Polyb. 18.31.6 |
