| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 18.35.5 | Polyb. 18.35.11 (English) | >>Polyb. 18.36.5 |
18.35.9 καὶ μὴν Πόπλιος Σκιπίων , ὁ τούτου μὲν κατὰ φύσιν υἱός , Ποπλίου δὲ τοῦ μεγάλου κληθέντος κατὰ θέσιν υἱωνός , κύριος γενόμενος τῆς Καρχηδόνος , ἥτις ἐδόκει πολυχρημονεστάτη τῶν κατὰ τὴν οἰκουμένην εἶναι πόλεων , ἁπλῶς τῶν ἐξ ἐκείνης οὐδὲν εἰς τὸν ἴδιον βίον μετήγαγεν , οὔτʼ ὠνησάμενος οὔτʼ ἄλλῳ τρόπῳ κτησάμενος οὐδέν ,
18.35.10 καίπερ οὐχ ὅλως εὐπορούμενος κατὰ τὸν βίον , ἀλλὰ μέτριος ὢν κατὰ τὴν ὕπαρξιν , ὡς Ῥωμαῖος .
18.35.11 οὐχ οἷον δὲ τῶν ἐξ αὐτῆς τῆς Καρχηδόνος ἀπέσχετο μόνον , ἀλλὰ καὶ καθόλου τῶν ἐκ τῆς Λιβύης οὐδὲν ἐπιμιχθῆναι πρὸς τὸν ἴδιον εἴασε βίον .
18.35.12 περὶ δὲ τούτου πάλιν τἀνδρὸς ὁ ζητῶν ἀληθινῶς ἀναμφισβήτητον εὑρήσει παρὰ Ῥωμαίοις τὴν περὶ τοῦτο τὸ μέρος δόξαν .
18.36.1
ἁθροισθέντων δὲ τῶν συμμάχων καὶ τοῦ συνεδρίου συναχθέντος ἐξ αὐτῶν τούτων , ἀναστὰς ὁ τῶν Ῥωμαίων στρατηγὸς ἐκέλευε λέγειν ἕκαστον ἐφʼ οἷς δεῖ ποιεῖσθαι τὰς πρὸς τὸν Φίλιππον διαλύσεις .
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 18.35.5 | Polyb. 18.35.11 (English) | >>Polyb. 18.36.5 |
