| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 18.37.12 | Polyb. 18.38.8 (English) | >>Polyb. 18.39.5 |
18.38.5 Θηβαίους γὰρ ἐγγίσαντος αὐτοῦ μετὰ τῆς δυνάμεως καὶ παρακαλοῦντος σφᾶς εἰς τὴν Ῥωμαίων πίστιν οὐ βουληθῆναι · διὸ νῦν , κατὰ πόλεμον ὑποχειρίων ὄντων , ἔχειν ἐξουσίαν ἔφη βουλεύεσθαι περὶ αὐτῶν ὡς ἂν προαιρῆται .
18.38.6 τῶν δὲ περὶ τὸν Φαινέαν ἀγανακτούντων , καὶ λεγόντων ὅτι δέον αὐτοὺς εἴη , πρῶτον μέν , καθότι συνεπολέμησαν νῦν , κομίζεσθαι τὰς πόλεις τὰς πρότερον μεθʼ αὑτῶν συμπολιτευομένας ,
18.38.7 ἔπειτα κατὰ τὴν ἐξ ἀρχῆς συμμαχίαν , καθʼ ἣν ἔδει τῶν κατὰ πόλεμον ἑλόντων τὰ μὲν ἔπιπλα Ῥωμαίων εἶναι , τὰς δὲ πόλεις Αἰτωλῶν , ὁ Τίτος ἀγνοεῖν αὐτοὺς ἔφη κατʼ ἀμφότερα .
18.38.8 τήν τε γὰρ συμμαχίαν λελύσθαι , καθʼ ὃν καιρὸν τὰς διαλύσεις ἐποιήσαντο πρὸς Φίλιππον ἐγκαταλείποντες Ῥωμαίους , εἴ τε καὶ μένειν ἔτι τὴν συμμαχίαν ,
18.38.9 δεῖν αὐτοὺς κομίζεσθαι καὶ παραλαμβάνειν , οὐκ εἴ τινες ἐθελοντὴν σφᾶς εἰς τὴν Ῥωμαίων πίστιν ἐνεχείρισαν , ὅπερ αἱ κατὰ Θετταλίαν πόλεις ἅπασαι πεποιήκασι νῦν , ἀλλʼ εἴ τινες κατὰ κράτος ἑάλωσαν .
18.39.1
ἐκ γὰρ ταύτης τῆς διαφορᾶς καὶ τούτου τοῦ σπινθῆρος μετʼ ὀλίγον ὅ τε πρὸς Αἰτωλοὺς ὅ τε πρὸς Ἀντίοχον ἐξεκαύθη πόλεμος .
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 18.37.12 | Polyb. 18.38.8 (English) | >>Polyb. 18.39.5 |
