Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 18.41.6 | Polyb. 18.42.3 (English) | >>Polyb. 18.43.3 |
18.41.10 τὸ δὲ μέγιστον , τέτταρας υἱοὺς ἐν ἡλικίᾳ καταλιπὼν οὕτως ἡρμόσατο τὰ κατὰ τὴν ἀρχὴν ὥστε παισὶ παίδων ἀστασίαστον παραδοθῆναι τὴν βασιλείαν .
III. Res Italiae
18.42.1
λόγων δὲ πλειόνων γενομένων ἐν τῇ συγκλήτῳ , ταύτῃ μὲν ἐδόκει βεβαιοῦν τὰς ὁμολογίας ·
18.42.3 εἰς δὲ τὸν δῆμον εἰσενεχθέντος τοῦ διαβουλίου Μάρκος , αὐτὸς ἐπιθυμῶν τῆς εἰς τὴν Ἑλλάδα διαβάσεως , ἀντέλεγε καὶ πολλὴν ἐποιεῖτο σπουδὴν εἰς τὸ διακόψαι τὰς συνθήκας .
18.42.4 οὐ μὴν ἀλλʼ ὅ γε δῆμος κατὰ τὴν τοῦ Τίτου προαίρεσιν ἐπεκύρωσε τὰς διαλύσεις .
18.42.5 ὧν ἐπιτελεσθεισῶν εὐθέως ἡ σύγκλητος ἄνδρας δέκα καταστήσασα τῶν ἐπιφανῶν ἐξέπεμπε τοὺς χειριοῦντας τὰ κατὰ τὴν Ἑλλάδα μετὰ τοῦ Τίτου καὶ βεβαιώσοντας τοῖς Ἕλλησι τὴν ἐλευθερίαν .
18.42.6 ἐποιήσαντο δὲ λόγους ἐν τῇ συγκλήτῳ καὶ περὶ τῆς συμμαχίας οἱ παρὰ τῶν Ἀχαιῶν πρέσβεις , οἱ περὶ Δαμόξενον τὸν Αἰγιέα ·
18.42.7 γενομένης δʼ ἀντιρρήσεως κατὰ τὸ παρὸν διὰ τὸ κατὰ πρόσωπον Ἠλείους μὲν ἀμφισβητεῖν τοῖς Ἀχαιοῖς ὑπὲρ τῆς Τριφυλίας , Μεσσηνίους δʼ ὑπὲρ Ἀσίνης καὶ Πύλου , συμμάχους τότε Ῥωμαίων ὑπάρχοντας , Αἰτωλοὺς δὲ περὶ τῆς Ἡραιῶν πόλεως , ὑπέρθεσιν ἔλαβε τὸ διαβούλιον ἐπὶ τοὺς δέκα .
Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 18.41.6 | Polyb. 18.42.3 (English) | >>Polyb. 18.43.3 |