| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 18.43.10 | Polyb. 18.44.5 (English) | >>Polyb. 18.45.5 |
18.44.2 ἦν δὲ τὰ συνέχοντα τοῦ δόγματος ταῦτα , τοὺς μὲν ἄλλους Ἕλληνας πάντας , τούς τε κατὰ τὴν Ἀσίαν καὶ κατὰ τὴν Εὐρώπην , ἐλευθέρους ὑπάρχειν καὶ νόμοις χρῆσθαι τοῖς ἰδίοις ·
18.44.3 τοὺς δὲ ταττομένους ὑπὸ Φίλιππον καὶ τὰς πόλεις τὰς ἐμφρούρους παραδοῦναι Φίλιππον Ῥωμαίοις πρὸ τῆς τῶν Ἰσθμίων πανηγύρεως ,
18.44.4 Εὔρωμον δὲ καὶ Πήδασα καὶ Βαργύλια καὶ τὴν Ἰασέων πόλιν , ὁμοίως Ἄβυδον , Θάσον , Μύριναν , Πέρινθον , ἐλευθέρας ἀφεῖναι τὰς φρουρὰς ἐξ αὐτῶν μεταστησάμενον ·
18.44.5 περὶ δὲ τῆς τῶν Κιανῶν ἐλευθερώσεως Τίτον γράψαι πρὸς Προυσίαν κατὰ τὸ δόγμα τῆς συγκλήτου ·
18.44.6 τὰ δʼ αἰχμάλωτα καὶ τοὺς αὐτομόλους ἅπαντας ἀποκαταστῆσαι Φίλιππον Ῥωμαίοις ἐν τοῖς αὐτοῖς χρόνοις , ὁμοίως δὲ καὶ τὰς καταφράκτους ναῦς πλὴν πέντε σκαφῶν καὶ τῆς ἑκκαιδεκήρους · δοῦναι δὲ καὶ χίλια τάλαντα ,
18.44.7 τούτων τὰ μὲν ἡμίση παραυτίκα , τὰ δʼ ἡμίση κατὰ φόρους ἐν ἔτεσι δέκα .
18.45.1
καί τινας ἐλάμβανον πιθανότητας ἐξ αὐτῶν τῶν ἐγγράπτων πρὸς τὸ διασείειν τοὺς ἀκούοντας τοιαύτας .
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 18.43.10 | Polyb. 18.44.5 (English) | >>Polyb. 18.45.5 |
