Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 18.44.1 | Polyb. 18.45.2 (English) | >>Polyb. 18.45.9 |
18.44.6 τὰ δʼ αἰχμάλωτα καὶ τοὺς αὐτομόλους ἅπαντας ἀποκαταστῆσαι Φίλιππον Ῥωμαίοις ἐν τοῖς αὐτοῖς χρόνοις , ὁμοίως δὲ καὶ τὰς καταφράκτους ναῦς πλὴν πέντε σκαφῶν καὶ τῆς ἑκκαιδεκήρους · δοῦναι δὲ καὶ χίλια τάλαντα ,
18.44.7 τούτων τὰ μὲν ἡμίση παραυτίκα , τὰ δʼ ἡμίση κατὰ φόρους ἐν ἔτεσι δέκα .
18.45.1
καί τινας ἐλάμβανον πιθανότητας ἐξ αὐτῶν τῶν ἐγγράπτων πρὸς τὸ διασείειν τοὺς ἀκούοντας τοιαύτας .
18.45.3 ἔφασκον γὰρ εἶναι δύο γνώμας ἐν τῷ δόγματι περὶ τῶν ὑπὸ Φιλίππου φρουρουμένων πόλεων , τὴν μὲν μίαν ἐπιτάττουσαν ἐξάγειν τὰς φρουρὰς τὸν Φίλιππον , τὰς δὲ πόλεις παραδιδόναι Ῥωμαίοις , τὴν δʼ ἑτέραν ἐξάγοντα τὰς φρουρὰς ἐλευθεροῦν τὰς πόλεις .
18.45.4 τὰς μὲν οὖν ἐλευθερουμένας ἐπʼ ὀνόματος δηλοῦσθαι , ταύτας δʼ εἶναι τὰς κατὰ τὴν Ἀσίαν , τὰς δὲ παραδιδομένας Ῥωμαίοις φανερὸν ὅτι τὰς κατὰ τὴν Εὐρώπην . εἶναι δὲ ταύτας Ὠρεόν ,
18.45.5 Ἐρέτριαν , Χαλκίδα , Δημητριάδα , Κόρινθον .
18.45.6 ἐκ δὲ τούτων εὐθεώρητον ὑπάρχειν πᾶσιν ὅτι μεταλαμβάνουσι τὰς Ἑλληνικὰς πέδας παρὰ Φιλίππου Ῥωμαῖοι , καὶ γίνεται μεθάρμοσις δεσποτῶν , οὐκ ἐλευθέρωσις τῶν Ἑλλήνων .
Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 18.44.1 | Polyb. 18.45.2 (English) | >>Polyb. 18.45.9 |