| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 18.51.9 | Polyb. 18.53.3 (English) | >>Polyb. 18.53.10 |
18.52.4 Παῦσαι φησὶ τῶν πολλῶν · οὐ γὰρ ἐπὶ Ῥωμαίων , ἀλλʼ ἐπὶ Ῥοδίων ὑμῖν εὐδοκῶ διακριθῆναι περὶ τῶν ἀντιλεγομένων .
18.52.5 καὶ τότε μὲν ἐπὶ τούτοις διέλυσαν τὸν σύλλογον , οὐδαμῶς εὐδοκήσαντες ἀλλήλοις .
VI. Res Aegypti
18.53.1
καίτοι πολὺ καλλίους ἀφορμὰς εἶχε Σκόπας Κλεομένους πρὸς τὸ παραβάλλεσθαι καὶ τολμᾶν .
18.53.3 ἐκεῖνος μὲν γὰρ προκαταληφθεὶς εἰς αὐτὰς συνεκλείσθη τὰς ἐν τοῖς ἰδίοις οἰκέταις καὶ φίλοις ἐλπίδας · ἀλλʼ ὅμως οὐδὲ ταύτας ἐγκατέλιπεν , ἀλλʼ ἐφʼ ὅσον ἦν δυνατὸς ἐξήλεγξε , τὸ καλῶς ἀποθανεῖν τοῦ ζῆν αἰσχρῶς περὶ πλείονος ποιησάμενος .
18.53.4 Σκόπας δέ , καὶ χεῖρα βαρεῖαν ἔχων συνεργὸν καὶ καιρόν , ἅτε τοῦ βασιλέως ἔτι παιδὸς ὄντος , μέλλων καὶ βουλευόμενος προκατελήφθη .
18.53.5 γνόντες γὰρ αὐτὸν οἱ περὶ τὸν Ἀριστομένην συναθροίζοντα τοὺς φίλους εἰς τὴν ἰδίαν οἰκίαν καὶ συνεδρεύοντα μετὰ τούτων , πέμψαντές τινας τῶν ὑπασπιστῶν ἐκάλουν εἰς τὸ συνέδριον .
18.53.6 ὁ δʼ οὕτως παρειστήκει τῶν φρενῶν ὡς οὔτε πράττειν ἐτόλμα τῶν ἑξῆς οὐδὲν οὔτε καλούμενος ὑπὸ τοῦ βασιλέως οἷός τʼ ἦν πειθαρχεῖν , ὃ πάντων ἐστὶν ἔσχατον ,
18.53.7 ἕως οἱ περὶ τὸν Ἀριστομένην γνόντες αὐτοῦ τὴν ἀλογίαν τοὺς μὲν στρατιώτας καὶ τὰ θηρία περιέστησαν περὶ τὴν οἰκίαν ,
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 18.51.9 | Polyb. 18.53.3 (English) | >>Polyb. 18.53.10 |
