| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 2.15.4 | Polyb. 2.16.2 (English) | >>Polyb. 2.16.9 |
2.15.9 Τρανσαλπῖνοί γε μὴν οὐ διὰ τὴν τοῦ γένους , ἀλλὰ διὰ τὴν τοῦ τόπου διαφορὰν προσαγορεύονται · τὸ γὰρ τρὰνς ἐξερμηνευόμενόν ἐστι πέραν , διὸ τοὺς ἐπέκεινα τῶν Ἄλπεων Τρανσαλπίνους καλοῦσι .
2.15.10 τὰ δʼ ἄκρα διά τε τὴν τραχύτητα καὶ τὸ πλῆθος τῆς ἐπιμενούσης ἀεὶ χιόνος ἀοίκητα τελέως ἐστίν .
2.16.1
παρὰ θάλατταν μὲν μέχρι πόλεως Πίσης , ἣ πρώτη κεῖται τῆς Τυρρηνίας ὡς πρὸς τὰς δυσμάς , κατὰ δὲ τὴν μεσόγαιον ἕως τῆς Ἀρρητίνων χώρας .
2.16.3 ἑξῆς δὲ Τυρρηνοί · τούτοις δὲ συνεχεῖς ἑκάτερον τὸ κλίμα νέμονται τῶν προειρημένων ὀρῶν Ὄμβροι .
2.16.4 λοιπὸν ὁ μὲν Ἀπεννῖνος ἀπέχων τῆς κατὰ τὸν Ἀδρίαν θαλάττης σταδίους ὡσανεὶ πεντακοσίους ἀπολείπει τὰ πεδία δεξιὸς ἀπονεύων , καὶ διὰ μέσης τῆς λοιπῆς Ἰταλίας διήκων εἰς τὸ Σικελικὸν κατατείνει πέλαγος .
2.16.5 τὸ δʼ ἀπολειπόμενον μέρος πεδινὸν τῆς πλευρᾶς ἐπὶ θάλατταν καὶ πόλιν καθήκει Σήνην .
2.16.6 ὁ δὲ Πάδος ποταμός , ὑπὸ δὲ τῶν ποιητῶν Ἠριδανὸς θρυλούμενος , ἔχει μὲν τὰς πηγὰς ἀπὸ τῶν Ἄλπεων ὡς πρὸς τὴν κορυφὴν μᾶλλον τοῦ προειρημένου σχήματος , καταφέρεται δʼ εἰς τὰ πεδία , ποιούμενος τὴν ῥύσιν ὡς ἐπὶ μεσημβρίαν .
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 2.15.4 | Polyb. 2.16.2 (English) | >>Polyb. 2.16.9 |
