| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 2.22.4 | Polyb. 2.22.11 (English) | >>Polyb. 2.23.6 |
2.22.8 ὥστε ποτὲ μὲν στρατόπεδα καταγράφειν καὶ σίτου καὶ τῶν ἐπιτηδείων ποιεῖσθαι παρασκευάς , ποτὲ δὲ καὶ τὰς δυνάμεις ἐξάγειν ἐπὶ τοὺς ὅρους , ὡς ἤδη παρόντων εἰς τὴν χώραν τῶν πολεμίων , οὐδέπω κεκινηκότων ἐκ τῆς οἰκείας τῶν Κελτῶν .
2.22.9 οὐκ ἐλάχιστα δὲ συνήργησεν καὶ Καρχηδονίοις τοῦτο τὸ κίνημα πρὸς τὸ κατασκευάσασθαι τὰ κατὰ τὴν Ἰβηρίαν ἀσφαλῶς .
2.22.10 Ῥωμαῖοι γάρ , ὡς καὶ πρόσθεν ἡμῖν εἴρηται , κρίνοντες ἀναγκαιότερα ταῦτα διὰ τὸ πρὸς ταῖς πλευραῖς αὐτῶν ὑπάρχειν παρορᾶν ἠναγκάζοντο τὰ κατὰ τὴν Ἰβηρίαν , σπουδάζοντες πρότερον ἐν καλῷ θέσθαι τὰ κατὰ τοὺς Κελτούς .
2.22.11 διόπερ ἀσφαλισάμενοι τὰ πρὸς τοὺς Καρχηδονίους διὰ τῶν πρὸς τὸν Ἀσδρούβαν ὁμολογιῶν , ὑπὲρ ὧν ἄρτι δεδηλώκαμεν , ἐνεχείρησαν ὁμοθυμαδὸν ἐν τούτοις τοῖς καιροῖς πρὸς τοὺς κατὰ τὴν Ἰταλίαν πολεμίους , νομίζοντες συμφέρειν σφίσι τὸ διακριθῆναι πρὸς τούτους .
2.23.1
τὸ μὲν οὖν τῶν Ἰνσόμβρων καὶ Βοίων γένος ἔμεινε γενναίως ἐν ταῖς ἐξ ἀρχῆς ἐπιβολαῖς , οἱ δʼ Οὐένετοι καὶ Γονομάνοι , διαπρεσβευσαμένων Ῥωμαίων , τούτοις εἵλοντο συμμαχεῖν .
2.23.3 διὸ καὶ μέρος τι τῆς δυνάμεως καταλιπεῖν ἠναγκάσθησαν οἱ βασιλεῖς τῶν Κελτῶν φυλακῆς χάριν τῆς χώρας πρὸς τὸν ἀπὸ τούτων φόβον .
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 2.22.4 | Polyb. 2.22.11 (English) | >>Polyb. 2.23.6 |
