| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 2.22.6 | Polyb. 2.23.1 (English) | >>Polyb. 2.23.9 |
2.22.10 Ῥωμαῖοι γάρ , ὡς καὶ πρόσθεν ἡμῖν εἴρηται , κρίνοντες ἀναγκαιότερα ταῦτα διὰ τὸ πρὸς ταῖς πλευραῖς αὐτῶν ὑπάρχειν παρορᾶν ἠναγκάζοντο τὰ κατὰ τὴν Ἰβηρίαν , σπουδάζοντες πρότερον ἐν καλῷ θέσθαι τὰ κατὰ τοὺς Κελτούς .
2.22.11 διόπερ ἀσφαλισάμενοι τὰ πρὸς τοὺς Καρχηδονίους διὰ τῶν πρὸς τὸν Ἀσδρούβαν ὁμολογιῶν , ὑπὲρ ὧν ἄρτι δεδηλώκαμεν , ἐνεχείρησαν ὁμοθυμαδὸν ἐν τούτοις τοῖς καιροῖς πρὸς τοὺς κατὰ τὴν Ἰταλίαν πολεμίους , νομίζοντες συμφέρειν σφίσι τὸ διακριθῆναι πρὸς τούτους .
2.23.1
τὸ μὲν οὖν τῶν Ἰνσόμβρων καὶ Βοίων γένος ἔμεινε γενναίως ἐν ταῖς ἐξ ἀρχῆς ἐπιβολαῖς , οἱ δʼ Οὐένετοι καὶ Γονομάνοι , διαπρεσβευσαμένων Ῥωμαίων , τούτοις εἵλοντο συμμαχεῖν .
2.23.3 διὸ καὶ μέρος τι τῆς δυνάμεως καταλιπεῖν ἠναγκάσθησαν οἱ βασιλεῖς τῶν Κελτῶν φυλακῆς χάριν τῆς χώρας πρὸς τὸν ἀπὸ τούτων φόβον .
2.23.4 αὐτοὶ δʼ ἐξάραντες παντὶ τῷ στρατεύματι κατατεθαρρηκότως ὥρμησαν , ποιούμενοι τὴν πορείαν ὡς ἐπὶ Τυρρηνίας , ἔχοντες πεζοὺς μὲν εἰς πεντακισμυρίους , ἱππεῖς δὲ καὶ συνωρίδας εἰς δισμυρίους .
2.23.5 Ῥωμαῖοι δʼ ὡς θᾶττον ἤκουσαν τοὺς Κελτοὺς ὑπερβεβληκέναι τὰς Ἄλπεις , Λεύκιον μὲν Αἰμίλιον ὕπατον μετὰ δυνάμεως ἐξαπέστειλαν ὡς ἐπʼ Ἀριμίνου , τηρήσοντα ταύτῃ τῶν ἐναντίων τὴν ἔφοδον , ἕνα δὲ τῶν ἑξαπελέκεων εἰς Τυρρηνίαν .
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 2.22.6 | Polyb. 2.23.1 (English) | >>Polyb. 2.23.9 |
