| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 2.27.5 | Polyb. 2.28.2 (English) | >>Polyb. 2.28.9 |
2.27.8 οὓς μὲν γὰρ ᾔδεσαν ἑπομένους αὑτοῖς , οὓς δὲ κατὰ τὸ στόμα προσεδόκων ἀπαντήσειν , ἔκ τε τῶν προσαγγελλομένων τεκμαιρόμενοι καὶ τῶν
2.28.1
διὸ καὶ τοὺς μὲν ἱππεῖς παραυτίκα βοηθήσοντας ἐξαπέστελλον τοῖς ἐν τῷ λόφῳ διαγωνιζομένοις , αὐτοὶ δὲ κατὰ τὰς εἰθισμένας τάξεις διακοσμήσαντες τοὺς πεζοὺς προῆγον ἐπὶ τοὺς ὑπεναντίους .
2.28.3 οἱ δὲ Κελτοὶ τοὺς μὲν ἐκ τῶν Ἄλπεων Γαισάτους προσαγορευομένους ἔταξαν πρὸς τὴν ἀπʼ οὐρᾶς ἐπιφάνειαν , ᾗ προσεδόκων τοὺς περὶ τὸν Αἰμίλιον , ἐπὶ δὲ τούτοις τοὺς Ἴνσομβρας ·
2.28.4 πρὸς δὲ τὴν κατὰ πρόσωπον τοὺς Ταυρίσκους καὶ τοὺς ἐπὶ τάδε τοῦ Πάδου κατοικοῦντας Βοίους παρενέβαλον , τὴν ἐναντίαν μὲν στάσιν ἔχοντας τοῖς προειρημένοις , βλέποντας δὲ πρὸς τὴν τῶν τοῦ Γαΐου στρατοπέδων ἔφοδον .
2.28.5 τὰς δʼ ἁμάξας καὶ συνωρίδας ἐκτὸς ἑκατέρου τοῦ κέρατος παρέστησαν , τὴν δὲ λείαν εἴς τι τῶν παρακειμένων ὀρῶν φυλακὴν περιστήσαντες ἥθροιζον .
2.28.6 γενομένης δʼ ἀμφιστόμου τῆς τῶν Κελτῶν δυνάμεως , οὐ μόνον καταπληκτικὴν ἀλλὰ καὶ πρακτικὴν εἶναι συνέβαινε τὴν τάξιν .
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 2.27.5 | Polyb. 2.28.2 (English) | >>Polyb. 2.28.9 |
