| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 2.63.6 | Polyb. 2.64.7 (English) | >>Polyb. 2.65.6 |
2.64.4 εἰ μὲν οὖν συμβαίη μὴ δυνάμενον αὐτὸν ὑποφέρειν τὸν ἐπιρραπισμὸν τῶν ὄχλων ἐξελθεῖν καὶ διακινδυνεῦσαι τοῖς παροῦσιν , πρόδηλον ἐκ τῶν κατὰ λόγον ἦν αὐτῷ διότι νικήσει ῥᾳδίως .
2.64.5 εἰ δʼ ἐμμείνας τοῖς λογισμοῖς ἀφησυχάζοι , καταπληξάμενος τοὺς ὑπεναντίους καὶ ταῖς ἰδίαις δυνάμεσι θάρσος ἐνεργασάμενος ἀσφαλῶς ὑπέλαβε ποιήσασθαι τὴν ἀναχώρησιν εἰς τὴν οἰκείαν . ὃ καὶ συνέβη γενέσθαι .
2.64.6 τῆς γὰρ χώρας δῃουμένης οἱ μὲν ὄχλοι συστρεφόμενοι τὸν Ἀντίγονον ἐλοιδόρουν . ὁ δὲ καὶ λίαν ἡγεμονικῶς καὶ βασιλικῶς οὐδὲν περὶ πλείονος ποιούμενος τοῦ κατὰ λόγον χρήσασθαι τοῖς
2.64.7 πράγμασιν ἦγε τὴν ἡσυχίαν . ὁ δὲ Κλεομένης κατὰ τὴν ἐξ ἀρχῆς πρόθεσιν καταφθείρας μὲν τὴν χώραν , καταπληξάμενος δὲ τοὺς ὑπεναντίους , εὐθαρσεῖς δὲ πεποιηκὼς τὰς ἑαυτοῦ δυνάμεις πρὸς τὸν ἐπιφερόμενον κίνδυνον ἀσφαλῶς εἰς τὴν οἰκείαν ἐπανῆλθεν .
2.65.1
ἔχων Μακεδόνας μὲν τοὺς εἰς τὴν φάλαγγα μυρίους , πελταστὰς δὲ τρισχιλίους , ἱππεῖς δὲ τριακοσίους , Ἀγριᾶνας δὲ σὺν τούτοις χιλίους καὶ Γαλάτας ἄλλους τοσούτους , μισθοφόρους δὲ τοὺς πάντας πεζοὺς μὲν τρισχιλίους , ἱππεῖς δὲ τριακοσίους ,
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 2.63.6 | Polyb. 2.64.7 (English) | >>Polyb. 2.65.6 |
