| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 21.13.3 | Polyb. 21.13.11 (English) | >>Polyb. 21.14.5 |
21.13.8 τὰς μὲν ἀρχὰς ἥσθη , νομίζων αὑτῷ συνεργὸν εἶναι πρὸς τὴν ἔντευξιν τὸ μένειν ἐπὶ τῶν ὑποκειμένων καὶ πρὸς μηδὲν ὡρμηκέναι τῶν ἑξῆς τοὺς ὑπεναντίους ,
21.13.9 πυθόμενος δὲ τὸν Πόπλιον ἔτι μένειν ἐν τῷ πέραν ἐδυσχρήστησε διὰ τὸ τὴν πλείστην ῥοπὴν κεῖσθαι τῶν πραγμάτων ἐν τῇ ʼκείνου προαιρέσει .
21.13.10 αἴτιον δʼ ἦν καὶ τοῦ μένειν τὸ στρατόπεδον ἐπὶ τῆς πρώτης παρεμβολῆς καὶ τοῦ κεχωρίσθαι τὸν Πόπλιον ἀπὸ τῶν δυνάμεων τὸ σάλιον εἶναι τὸν προειρημένον ἄνδρα . τοῦτο δʼ ἔστιν ,
21.13.11 καθάπερ ἡμῖν ἐν τοῖς περὶ τῆς πολιτείας εἴρηται , τῶν τριῶν ἓν σύστημα , διʼ ὧν συμβαίνει τὰς ἐπιφανεστάτας θυσίας ἐν τῇ Ῥώμῃ συντελεῖσθαι τοῖς θεοῖς ·
21.13.12 τριακονθήμερον μὴ μεταβαίνειν κατὰ τὸν καιρὸν τῆς θυσίας , ἐν ᾗ ποτʼ ἂν χώρᾳ καταληφθῶσιν οἱ σάλιοι οὗτοι .
21.13.13 ὃ καὶ τότε συνέβη γενέσθαι Ποπλίῳ · τῆς γὰρ δυνάμεως μελλούσης περαιοῦσθαι κατέλαβεν αὐτὸν οὗτος ὁ χρόνος , ὥστε μὴ δύνασθαι μεταβαλεῖν τὴν χώραν .
21.13.14 διὸ συνέβη τόν τε Σκιπίωνα χωρισθῆναι τῶν στρατοπέδων καὶ μεῖναι κατὰ τὴν Εὐρώπην , τὰς δὲ δυνάμεις περαιωθείσας μένειν ἐπὶ τῶν ὑποκειμένων καὶ μὴ δύνασθαι πράττειν τῶν ἑξῆς μηθέν , προσαναδεχομένας τὸν προειρημένον ἄνδρα .
21.14.1
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 21.13.3 | Polyb. 21.13.11 (English) | >>Polyb. 21.14.5 |
