| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 21.19.4 | Polyb. 21.20.1 (English) | >>Polyb. 21.20.8 |
21.19.10 τὰ γὰρ πράγματα φύσιν ἔχει τοιαύτην · δόξαντες γὰρ ἠλευθερῶσθαι διὰ τούτους ὀνόματι μὲν ἔσονται σύμμαχοι τούτων , τῇ δʼ ἀληθείᾳ πᾶν ποιήσουσι τὸ κελευόμενον ἑτοίμως , τῇ μεγίστῃ χάριτι γεγονότες ὑπόχρεοι .
21.19.11 διόπερ , ὦ ἄνδρες , ἀξιοῦμεν ὑμᾶς τοῦτον τὸν τόπον ὑπιδέσθαι , μὴ λάθητε τοὺς μὲν παρὰ τὸ δέον αὔξοντες , τοὺς δʼ ἐλαττοῦντες τῶν φίλων ἀλόγως ,
21.19.12 ἅμα δὲ τούτοις τοὺς μὲν πολεμίους γεγονότας εὐεργετοῦντες , τοὺς δʼ ἀληθινοὺς φίλους παρορῶντες καὶ
21.20.1
δοκῶ δὲ καὶ τὸν πατέρα τὸν ἡμέτερον , εἴπερ ἔζη , τὴν αὐτὴν ἂν προέσθαι φωνὴν ἐμοί .
21.20.3 καὶ γὰρ ἐκεῖνος , πρῶτος μετασχὼν τῆς ὑμετέρας φιλίας καὶ συμμαχίας , σχεδὸν πάντων τῶν κατὰ τὴν Ἀσίαν καὶ τὴν Ἑλλάδα νεμομένων , εὐγενέστατα διεφύλαξε ταύτην ἕως τῆς τελευταίας ἡμέρας , οὐ μόνον κατὰ τὴν προαίρεσιν , ἀλλὰ καὶ κατὰ τὰς πράξεις .
21.20.4 πάντων γὰρ ὑμῖν ἐκοινώνησε τῶν κατὰ τὴν Ἑλλάδα πολέμων καὶ πλείστας μὲν εἰς τούτους καὶ πεζικὰς καὶ ναυτικὰς δυνάμεις παρέσχετο τῶν ἄλλων συμμάχων , πλείστην δὲ συνεβάλετο χορηγίαν καὶ μεγίστους ὑπέμεινε κινδύνους ·
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 21.19.4 | Polyb. 21.20.1 (English) | >>Polyb. 21.20.8 |
