| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 21.26.10 | Polyb. 21.26.17 (English) | >>Polyb. 21.27.5 |
21.26.14 καὶ τέλος ἀπογνοὺς αὑτὸν ἔμεινεν ἐν τῇ φυλακῇ , πρεσβύτερος ἄνθρωπος , πλειόνων ἢ διακοσίων ταλάντων ἔχων οὐσίαν · καί μοι δοκεῖ κἂν ἐκλιπεῖν τὸν βίον ἐφʼ ᾧ μὴ δοῦναι τὰ τρία τάλαντα .
21.26.15 τοσαύτη τις ἐνίοις πρὸς τὸ πλεῖον ὁρμὴ παρίσταται καὶ προθυμία .
21.26.16 τότε δʼ ἐκείνῳ καὶ ταὐτόματον συνήργησεν πρὸς τὴν φιλαργυρίαν , ὥστε παρὰ πᾶσιν ἐπαίνου καὶ συγκαταθέσεως τυχεῖν τὴν ἀλογιστίαν αὐτοῦ διὰ τὴν περιπέτειαν ·
21.26.17 μετὰ γὰρ ὀλίγας ἡμέρας γραμμάτων παραγενηθέντων ἐκ τῆς Ῥώμης περὶ τῆς ἀφέσεως , αὐτὸς μόνος ἀπελύθη χωρὶς λύτρων .
21.26.18 οἱ δʼ Αἰτωλοί , γνόντες τὴν αὐτοῦ περιπέτειαν , Δαμοτέλη προεχειρίσαντο πάλιν εἰς τὴν Ῥώμην πρεσβευτήν .
21.26.19 ὃς ἐκπλεύσας μέχρι τῆς Λευκάδος καὶ γνοὺς προάγοντα διὰ τῆς Ἠπείρου μετὰ τῶν δυνάμεων Μάρκον ἐπὶ τὴν Ἀμβρακίαν , ἀπογνοὺς τὴν πρεσβείαν αὖθις ἀνεχώρησεν εἰς τὴν Αἰτωλίαν . —
21.27.1
οὗτος γὰρ ἀσφαλισάμενος τὰ κατὰ τὰς στρατοπεδείας συνίστατο μεγαλομερῶς τὴν πολιορκίαν καὶ τρία μὲν ἔργα κατὰ τὸ Πύρρειον προσῆγεν διὰ τῶν ἐπιπέδων τόπων , διεστῶτα μὲν ἀπʼ ἀλλήλων , παράλληλα δέ , τέταρτον δὲ κατὰ τὸ Ἀσκληπιεῖον , πέμπτον δὲ κατὰ τὴν ἀκρόπολιν .
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 21.26.10 | Polyb. 21.26.17 (English) | >>Polyb. 21.27.5 |
