Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 21.29.3 | Polyb. 21.29.12 (English) | >>Polyb. 21.30.6 |
21.29.9 οἱ δὲ παρὰ τῶν Ἀθηναίων καὶ τῶν Ῥοδίων πρέσβεις λαμβάνοντες εἰς τὰς χεῖρας τὸν στρατηγὸν τῶν Ῥωμαίων καὶ ποικίλως ὁμιλοῦντες , πραΰνειν ἐπειρῶντο τὴν ὀργὴν αὐτοῦ .
21.29.10 τοῖς δὲ περὶ τὸν Δαμοτέλη καὶ Φαινέαν ὑπέθετό τις ἔχεσθαι καὶ θεραπεύειν τὸν Γάιον Οὐαλέριον ·
21.29.11 οὗτος δʼ ἦν Μάρκου μὲν υἱὸς τοῦ πρώτου συνθεμένου πρὸς Αἰτωλοὺς τὴν συμμαχίαν , Μάρκου δὲ τοῦ τότε στρατηγοῦντος ἀδελφὸς ἐκ μητρός · ἄλλως δὲ πρᾶξιν ἔχων νεανικὴν ἦν μάλιστα παρὰ τῷ στρατηγῷ πιστευόμενος .
21.29.12 ὃς παρακληθεὶς ὑπὸ τῶν περὶ τὸν Δαμοτέλη καὶ νομίσας ἴδιον εἶναι τὸ πρᾶγμα καὶ καθήκειν αὑτῷ τὸ προστατῆσαι τῶν Αἰτωλῶν , πᾶσαν εἰσεφέρετο σπουδὴν καὶ φιλοτιμίαν , ἐξελέσθαι σπουδάζων τὸ ἔθνος ἐκ τῶν περιεστώτων κακῶν .
21.29.13 ἐνεργῶς δὲ πανταχόθεν προσαγομένης τῆς φιλοτιμίας , ἔλαβε τὸ πρᾶγμα συντέλειαν .
21.29.14 οἱ μὲν γὰρ Ἀμβρακιῶται πεισθέντες ὑπὸ τοῦ βασιλέως ἐπέτρεψαν τὰ καθʼ αὑτοὺς τῷ στρατηγῷ τῶν Ῥωμαίων καὶ παρέδωκαν τὴν πόλιν ἐφʼ ᾧ τοὺς Αἰτωλοὺς ὑποσπόνδους ἀπελθεῖν ·
21.29.15 τοῦτο γὰρ ὑφείλοντο πρῶτον , τηροῦντες τὴν πρὸς τοὺς συμμάχους πίστιν .
21.30.1
ὥστε διακόσια μὲν Εὐβοϊκὰ τάλαντα παραχρῆμα λαβεῖν , τριακόσια δʼ ἐν ἔτεσιν ἕξ , πεντήκοντα καθʼ ἕκαστον ἔτος ·
Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 21.29.3 | Polyb. 21.29.12 (English) | >>Polyb. 21.30.6 |