| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 21.31.10 | Polyb. 21.32.2 (English) | >>Polyb. 21.32.9 |
21.31.15 ἀνθʼ ὧν ὑμᾶς δεῖ πρὸς ἐκείνους ἔχειν ἀπαραιτήτως , ἐλεεῖν δὲ τοὺς πολλοὺς καὶ διαλύεσθαι πρὸς αὐτούς , εἰδότας ὅτι γενόμενοι πάλιν ἀκέραιοι , καὶ πρὸς τοῖς ἄλλοις ἔτι νῦν ὑφʼ ὑμῶν σωθέντες , εὐνούστατοι πάλιν ἔσονται πάντων Ἑλλήνων .
21.31.16 ὁ μὲν οὖν Ἀθηναῖος ταῦτʼ εἰπὼν ἔπεισε τὴν σύγκλητον διαλύεσθαι πρὸς τοὺς Αἰτωλούς .
21.32.1
ὁ δῆμος ὁ τῶν Αἰτωλῶν τὴν ἀρχὴν καὶ τὴν δυναστείαν τοῦ δήμου τῶν Ῥωμαίων
21.32.3 . πολεμίους μὴ διιέτω διὰ τῆς χώρας καὶ τῶν πόλεων ἐπὶ Ῥωμαίους ἢ τοὺς συμμάχους καὶ φίλους αὐτῶν , μηδὲ χορηγείτω μηδὲν δημοσίᾳ βουλῇ .
21.32.4 καὶ ἐὰν πολεμῶσιν πρός τινας Ῥωμαῖοι , πολεμείτω πρὸς αὐτοὺς ὁ δῆμος ὁ τῶν Αἰτωλῶν .
21.32.5 τοὺς δὲ αὐτομόλους , τοὺς δραπέτας , τοὺς αἰχμαλώτους πάντας τοὺς Ῥωμαίων καὶ τῶν συμμάχων ἀποδότωσαν Αἰτωλοί ,
21.32.6 χωρὶς τῶν ὅσοι κατὰ πόλεμον ἁλόντες εἰς τὴν ἰδίαν ἀπῆλθον καὶ πάλιν ἑάλωσαν , καὶ χωρὶς τῶν ὅσοι πολέμιοι Ῥωμαίων ἐγένοντο , καθʼ ὃν καιρὸν Αἰτωλοὶ μετὰ Ῥωμαίων συνεπολέμουν , ἐν ἡμέραις ἑκατὸν ἀφʼ ἧς ἂν τὰ ὅρκια τελεσθῇ , τῷ ἄρχοντι τῷ ἐν Κερκύρᾳ ·
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 21.31.10 | Polyb. 21.32.2 (English) | >>Polyb. 21.32.9 |
