Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 21.43.23 | Polyb. 21.46.1 (English) | >>Polyb. 21.46.9 |
21.44.2 εἰς Συρίαν ἐξαπέστειλε , συντάξας κομίζεσθαι τοὺς ὅρκους παρὰ τοῦ βασιλέως καὶ διαβεβαιώσασθαι τὰ κατὰ μέρος ὑπὲρ τῶν συνθηκῶν .
21.44.3 πρὸς δὲ Κόιντον Φάβιον τὸν ἐπὶ τοῦ ναυτικοῦ στρατηγὸν ἐξέπεμψε γραμματοφόρους , κελεύων πάλιν πλεῖν αὐτὸν εἰς Πάταρα καὶ παραλαβόντα τὰς ὑπαρχούσας αὐτόθι ναῦς διαπρῆσαι . —
21.45.1
21.46.1
ὅσαι μὲν τῶν αὐτονόμων πόλεων πρότερον ὑπετέλουν Ἀντιόχῳ φόρον , τότε δὲ διεφύλαξαν τὴν πρὸς Ῥωμαίους πίστιν , ταύτας μὲν ἀπέλυσαν τῶν φόρων · ὅσαι δʼ Ἀττάλῳ σύνταξιν ἐτέλουν , ταύταις ἐπέταξαν τὸν αὐτὸν Εὐμένει διδόναι φόρον .
21.46.3 εἰ δέ τινες ἀποστᾶσαι τῆς Ῥωμαίων φιλίας Ἀντιόχῳ συνεπολέμουν , ταύτας ἐκέλευσαν Εὐμένει διδόναι τοὺς Ἀντιόχῳ διατεταγμένους φόρους .
21.46.4 Κολοφωνίους δὲ τοὺς τὸ Νότιον οἰκοῦντας καὶ Κυμαίους καὶ Μυλασεῖς ἀφορολογήτους ἀφῆκαν ,
21.46.5 Κλαζομενίοις δὲ καὶ δωρεὰν προσέθηκαν τὴν Δρυμοῦσσαν καλουμένην νῆσον , Μιλησίοις δὲ τὴν ἱερὰν χώραν ἀποκατέστησαν , ἧς διὰ τοὺς πολέμους πρότερον ἐξεχώρησαν .
Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 21.43.23 | Polyb. 21.46.1 (English) | >>Polyb. 21.46.9 |