| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 22.10.4 | Polyb. 22.10.13 (English) | >>Polyb. 22.11.4 |
22.10.9 μένειν ἔδοξε τοῖς παροῦσιν ἐπὶ τῶν ὑποκειμένων καὶ ταύτην δοῦναι τῷ πρεσβευτῇ τὴν ἀπόκρισιν .
22.10.10 ὁ δὲ Καικίλιος ὁρῶν τὴν τούτων προαίρεσιν , ἠξίου τοὺς πολλοὺς αὑτῷ συναγαγεῖν εἰς ἐκκλησίαν .
22.10.11 οἱ δὲ τῶν Ἀχαιῶν ἄρχοντες ἐκέλευον αὐτὸν δεῖξαι τὰς ἐντολάς , ἃς εἶχε παρὰ τῆς συγκλήτου περὶ τούτων . τοῦ δὲ παρασιωπῶντος , οὐκ ἔφασαν αὐτῷ συνάξειν τὴν ἐκκλησίαν ·
22.10.12 τοὺς γὰρ νόμους οὐκ ἐᾶν , ἐὰν μὴ φέρῃ τις ἔγγραπτα παρὰ τῆς συγκλήτου , περὶ ὧν οἴεται δεῖν συνάγειν .
22.10.13 ὁ δὲ Καικίλιος ἐπὶ τοσοῦτον ὠργίσθη διὰ τὸ μηθὲν αὐτῷ συγχωρεῖσθαι τῶν ἀξιουμένων , ὥστʼ οὐδὲ τὴν ἀπόκρισιν ἠβουλήθη δέξασθαι παρὰ τῶν ἀρχόντων , ἀλλʼ ἀναπόκριτος ἀπῆλθεν .
22.10.14 οἱ δʼ Ἀχαιοὶ τὴν αἰτίαν ἀνέφερον καὶ τῆς πρότερον παρουσίας ἅμα τῆς Μάρκου τοῦ Φολουίου καὶ τῆς τότε τῶν περὶ τὸν Καικίλιον ἐπὶ τὸν Ἀρίσταινον καὶ τὸν Διοφάνην , ὡς τούτους ἀντισπασαμένους διὰ τὴν ἀντιπολιτείαν τὴν πρὸς τὸν Φιλοποίμενα ·
22.10.15 καί τις ἦν ὑποψία τῶν πολλῶν πρὸς τοὺς προειρημένους ἄνδρας . καὶ τὰ μὲν κατὰ Πελοπόννησον ἐν τούτοις ἦν .
C. Olymp. 148, 2. I. Res Italiae
22.11.1
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 22.10.4 | Polyb. 22.10.13 (English) | >>Polyb. 22.11.4 |
