| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 23.4.4 | Polyb. 23.4.12 (English) | >>Polyb. 23.5.5 |
23.4.9 περὶ δὲ τῶν κτήσεων , πότερον δεῖ τὸ τάλαντον εἰς ἑκάστους τοὺς φυγάδας ἐκ τῶν ἰδίων ἐκλέξασθαι , περὶ τούτων διημφισβήτουν πρὸς ἀλλήλους .
23.4.10 ἵνα δὲ μὴ πάλιν ἐξ ἀκεραίου περὶ πάντων ἀντιλέγοιεν , ἔγγραπτον ὑπὲρ τῶν ὁμολογουμένων , ἐφʼ ὃ πάντες ἐπεβάλοντο τὰς ἰδίας σφραγῖδας .
23.4.11 οἱ δὲ περὶ τὸν Τίτον βουλόμενοι καὶ τοὺς Ἀχαιοὺς εἰς τὴν ὁμολογίαν ἐμπλέξαι , προσεκαλέσαντο τοὺς περὶ Ξέναρχον .
23.4.12 οὗτοι γὰρ ἐπρέσβευον τότε παρὰ τῶν Ἀχαιῶν , ἅμα μὲν ἀνανεούμενοι τὴν συμμαχίαν , ἅμα δὲ τῇ τῶν Λακεδαιμονίων διαφορᾷ προσεδρεύοντες .
23.4.13 καὶ παρὰ τὴν προσδοκίαν ἐρωτώμενοι περὶ τῶν γραφομένων , εἰ συνευδοκοῦσιν , οὐκ οἶδʼ ὅπως εἰς ἀπορίαν ἐνέπεσον .
23.4.14 δυσηρεστοῦντο μὲν γὰρ τῇ καθόδῳ τῶν φυγάδων καὶ τῶν τεθανατωμένων διὰ τὸ γίνεσθαι παρὰ τὰ τῶν Ἀχαιῶν δόγματα καὶ παρὰ τὴν στήλην , εὐδοκοῦντο δὲ τοῖς ὅλοις τῷ γράφεσθαι διότι δεῖ τὴν πόλιν τῶν Λακεδαιμονίων πολιτεύειν μετὰ τῶν Ἀχαιῶν .
23.4.15 καὶ πέρας τὰ μὲν ἀπορούμενοι , τὰ δὲ καταπληττόμενοι τοὺς ἄνδρας , ἐπεβάλοντο τὴν σφραγῖδα .
23.4.16 ἡ δὲ σύγκλητος προχειρισαμένη Κόιντον Μάρκιον πρεσβευτὴν ἐξαπέστελλεν ἐπί τε τὰ κατὰ Μακεδονίαν καὶ τὰ κατὰ Πελοπόννησον . —
23.5.1
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 23.4.4 | Polyb. 23.4.12 (English) | >>Polyb. 23.5.5 |
