| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 24.14.1 | Polyb. 24.14.11 (English) | >>Polyb. 24.15.7 |
24.14.7 ἀπειπάμενοι τούτους διὰ τὴν προγεγενημένην ἀθεσίαν , ἐξάραντες παντὶ τῷ στρατεύματι προῆγον ἐπὶ τὸν Φαρνάκην .
24.14.8 παραγενόμενοι δʼ ἐκ Καλπίτου πεμπταῖοι πρὸς τὸν Ἅλυν ποταμὸν ἑκταῖοι πάλιν ἀνέζευξαν εἰς Παρνασσόν .
24.14.9 ἔνθα καὶ Ἀριαράθης ὁ τῶν Καππαδοκῶν βασιλεὺς συνέμιξεν αὐτοῖς μετὰ τῆς οἰκείας δυνάμεως , καὶ παρεισῆλθον εἰς τὴν Μωκισσέων χώραν .
24.14.10 ἄρτι δὲ κατεστρατοπεδευκότων αὐτῶν προσέπεσε παραγενέσθαι τοὺς ἐκ τῆς Ῥώμης πρεσβευτὰς ἐπὶ τὰς διαλύσεις .
24.14.11 ὧν ἀκούσας ὁ βασιλεὺς Εὐμένης Ἄτταλον μὲν ἐξαπέστειλε τούτους ἐκδεξόμενον , αὐτὸς δὲ τὰς δυνάμεις ἐδιπλασίαζε καὶ διεκόσμει φιλοτίμως , ἅμα μὲν ἁρμοζόμενος πρὸς τὰς ἀληθινὰς χρείας , ἅμα δὲ βουλόμενος ἐνδείκνυσθαι τοῖς Ῥωμαίοις ὅτι διʼ αὑτοῦ δυνατός ἐστι τὸν Φαρνάκην ἀμύνασθαι καὶ
24.15.1
ἠξίουν δὲ τοὺς Ῥωμαίους , εἰ μέν ἐστι δυνατόν , εἰς σύλλογον αὐτοὺς συναγαγεῖν πρὸς τὸν Φαρνάκην , ἵνα κατὰ πρόσωπον λεγομένων τῶν λόγων ἴδωσι τὴν ἀθεσίαν αὐτοῦ καὶ τὴν ὠμότητα διὰ πλειόνων ·
24.15.3 εἰ δὲ μὴ τοῦτʼ εἴη δυνατόν , αὐτοὺς γενέσθαι κριτὰς τῶν πραγμάτων ἴσους καὶ δικαίους .
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 24.14.1 | Polyb. 24.14.11 (English) | >>Polyb. 24.15.7 |
