| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 25.2.3 | Polyb. 25.2.13 (English) | >>Polyb. 25.3.6 |
25.2.9 πρὸς δὲ τούτοις τῶν χρημάτων καὶ τῆς γάζης , ἧς ἀπήνεγκε παρὰ Μορζίου καὶ Ἀριαράθου , ἀποδοῦναι τοῖς προειρημένοις βασιλεῦσιν ἐνακόσια τάλαντα ,
25.2.10 καὶ τοῖς περὶ τὸν Εὐμένη τριακόσια προσθεῖναι τῆς εἰς τὸν πόλεμον δαπάνης .
25.2.11 ἐπεγράφη δὲ καὶ Μιθριδάτῃ τῷ τῆς Ἀρμενίας σατράπῃ τριακόσια τάλαντα , διότι παραβὰς τὰς πρὸς Εὐμένη συνθήκας ἐπολέμησεν Ἀριαράθῃ .
25.2.12 περιελήφθησαν δὲ ταῖς συνθήκαις τῶν μὲν κατὰ τὴν Ἀσίαν δυναστῶν Ἀρταξίας ὁ τῆς πλείστης Ἀρμενίας ἄρχων καὶ Ἀκουσίλοχος ,
25.2.13 τῶν δὲ κατὰ τὴν Εὐρώπην Γάταλος ὁ Σαρμάτης , τῶν δʼ αὐτονομουμένων Ἡρακλεῶται , Μεσημβριανοί , Χερρονησῖται , σὺν δὲ τούτοις Κυζικηνοί .
25.2.14 περὶ δὲ τῶν ὁμήρων τελευταῖον ἐγράφη πόσους δεήσει καὶ τίνας δοῦναι τὸν Φαρνάκην · ὧν καὶ παραγενηθέντων ἐξ αὐτῆς ἀνέζευξαν αἱ δυνάμεις .
25.2.15 καὶ τοῦ μὲν Εὐμένει καὶ Ἀριαράθῃ πρὸς Φαρνάκην συστάντος πολέμου τοιοῦτον ἀπέβη τὸ τέλος .
B. Olymp. 150, 2. Res Macedoniae
25.3.1
καὶ τούτων ἐξετίθει προγραφὰς εἴς τε Δῆλον καὶ Δελφοὺς καὶ τὸ τῆς Ἰτωνίας Ἀθηνᾶς ἱερόν , διδοὺς οὐ μόνον τὴν ἀσφάλειαν τοῖς καταπορευομένοις , ἀλλὰ καὶ τῶν ὑπαρχόντων κομιδήν , ἀφʼ ὧν ἕκαστος ἔφυγε .
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 25.2.3 | Polyb. 25.2.13 (English) | >>Polyb. 25.3.6 |
