| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 27.8.8 | Polyb. 27.9.1 (English) | >>Polyb. 27.9.8 |
27.8.13 οὐ μὴν ὁ Περσεὺς τοιοῦτος ἦν , ἀλλὰ προστιθεὶς καὶ τὸ πλῆθος αὔξων τῶν χρημάτων διεπέμπετο πλεονάκις πρὸς τὸν Λικίννιον . προκόπτων δʼ οὐδέν ,
27.8.14 ἀλλὰ καὶ τῶν πλείστων φίλων ἐπιτιμώντων αὐτῷ καὶ φασκόντων ὅτι νικῶν ποιεῖ τὰ τοῦ λειπομένου καὶ τοῖς ὅλοις ἐπταικότος ,
27.8.15 οὕτως ἠναγκάσθη τὰς διαπρεσβείας ἀπογνοὺς μεταστρατοπεδεῦσαι πάλιν ἐπὶ τὸ Συκύριον . καὶ ταῦτα μὲν ἐπὶ τούτων ἦν . —
27.9.1
ἦν δὲ περὶ αὐτοὺς τοιαύτη τις , ἐμοὶ δοκεῖ , διάθεσις · παραπλήσιον ἦν τὸ γινόμενον τῷ συμβαίνοντι περὶ τοὺς γυμνικοὺς ἀγῶνας .
27.9.3 καὶ γὰρ ἐν ἐκείνοις ὅταν πρὸς ἐπιφανῆ καὶ ἀήττητον ἀθλητὴν εἶναι δοκοῦντα συγκαταστῇ ταπεινὸς καὶ πολὺ καταδεέστερος ἀνταγωνιστής , εὐθέως ἀπομερίζει τὰ πλήθη τὴν εὔνοιαν τῷ καταδεεστέρῳ καὶ θαρρεῖν παρακαλεῖ καὶ συνεξανίσταται τούτῳ ταῖς ὁρμαῖς ·
27.9.4 ἐὰν δὲ καὶ ψαύσῃ τοῦ προσώπου καὶ ποιήσῃ τι σημεῖον τῆς πληγῆς , παραυτίκα πάλιν ἁπάντων ἀγὼν μικρὸς γίνεται ·
27.9.5 ποτὲ δὲ καὶ χλευάζειν ἐγχειροῦσι τὸν ἕτερον , οὐ μισοῦντες οὐδὲ καταγινώσκοντες , ἀλλὰ παραδόξως τε συμπαθεῖς γινόμενοι καὶ τῷ καταδεεστέρῳ φύσει προσμερίζοντες τὴν ἑαυτῶν εὔνοιαν ·
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 27.8.8 | Polyb. 27.9.1 (English) | >>Polyb. 27.9.8 |
