| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 28.8.4 | Polyb. 28.9.2 (English) | >>Polyb. 28.10.1 |
28.8.9 παραγενομένων δʼ αὐτῶν , ἀκούσας τὰ παρὰ τοῦ Γενθίου πάλιν ἐξ αὐτῆς ἔπεμπε τὸν Ἀδαῖον καὶ σὺν τούτῳ τὸν Γλαυκίαν , ἕνα τῶν σωματοφυλάκων , καὶ τρίτον τὸν Ἰλλυριὸν διὰ τὸ τὴν διάλεκτον εἰδέναι τὴν Ἰλλυρίδα ,
28.8.10 δοὺς ἐντολὰς τὰς αὐτάς , ὥσπερ οὐ κυρίως τοῦ Γενθίου διασεσαφηκότος τίνος προσδεῖται καὶ τίνος γενομένου δύναται συγκαταβαίνειν εἰς τὰ παρακαλούμενα .
28.8.11 τούτων δʼ ἀφορμησάντων , ἀναζεύξας αὐτὸς μετὰ τῆς δυνάμεως ἐποιεῖτο τὴν πορείαν ἐφʼ Ὕσκανα . —
28.9.1
διὰ τὸ τὸν Γένθιον μένειν ἐπὶ τῆς αὐτῆς αἱρέσεως , ὄντα μὲν ἕτοιμον τῷ Περσεῖ κοινωνεῖν τῶν αὐτῶν πραγμάτων , χρημάτων δὲ φάσκοντα χρείαν ἔχειν .
28.9.3 ὧν ὁ Περσεὺς παρακούσας πάλιν ἔπεμπε τοὺς περὶ τὸν Ἱππίαν βεβαιωσομένους ὑπὲρ τῶν ὁμολογιῶν , τὸ συνέχον παραλιπών , φάσκων ἐξιγμένον εὐνοοῦντα ποιήσειν τὸν Γένθιον ·
28.9.4 ὥστε διαπορεῖν πότερα δεῖ λέγειν ἐπὶ τῶν τοιούτων ἀλογιστίαν ἢ δαιμονοβλάβειαν . δοκῶ μὲν ὅτι δαιμονοβλάβειαν , οἵτινες ἐφίενται μὲν τοῦ μεγάλα τολμᾶν καὶ παραβάλλονται τῇ ψυχῇ , παριᾶσιν δὲ τὸ συνέχον ἐν ταῖς ἐπιβολαῖς , βλέποντες αὐτὸ καὶ δυνάμενοι πράττειν
28.9.5 ὅτι γάρ , εἰ Περσεὺς κατʼ ἐκεῖνον τὸν καιρὸν ἠβουλήθη προέσθαι χρήματα καὶ κοινῇ τοῖς πολιτεύμασι καὶ κατʼ ἰδίαν τοῖς βασιλεῦσι καὶ τοῖς πολιτευομένοις , οὐ λέγω μεγαλομερῶς , καθάπερ ἐξῆν αὐτῷ χορηγιῶν ἕνεκεν , ἀλλὰ μετρίως μόνον , πάντας ἂν συνέβη καὶ τοὺς Ἕλληνας καὶ τοὺς βασιλεῖς ,
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 28.8.4 | Polyb. 28.9.2 (English) | >>Polyb. 28.10.1 |
