Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 3.103.2 | Polyb. 3.104.2 (English) | >>Polyb. 3.105.1 |
3.103.7 θεωρῶν δὲ τὸν Μάρκον ἐκπεφυσημένον καὶ πρὸς πάντʼ ἀντιφιλονικοῦντα καὶ καθόλου πολὺν ὄντα πρὸς τῷ διακινδυνεύειν , αἵρεσιν αὐτῷ προύτεινε τοιαύτην , ἢ κατὰ μέρος ἄρχειν ἢ διελόμενον τὰς δυνάμεις χρῆσθαι τοῖς σφετέροις στρατοπέδοις κατὰ τὴν αὑτοῦ προαίρεσιν .
3.103.8 τοῦ δὲ καὶ λίαν ἀσμένως δεξαμένου τὸν μερισμόν , διελόμενοι τὸ πλῆθος χωρὶς ἐστρατοπέδευσαν ἀλλήλων , ἀπέχοντες ὡς δώδεκα
3.104.1
διόπερ οὐ καθʼ αὑτοῦ , πρὸς αὑτοῦ δὲ νομίσας εἶναι τὰ συμβαίνοντα περὶ τοὺς ἐναντίους , ἐγίνετο περὶ τὸν Μάρκον , σπουδάζων τὴν τόλμαν ἀφελέσθαι καὶ προκαταλαβεῖν αὐτοῦ τὴν ὁρμήν .
3.104.3 οὔσης δέ τινος ὑπεροχῆς μεταξὺ τῆς αὐτοῦ καὶ τῆς τοῦ Μάρκου στρατοπεδείας δυναμένης ἑκατέρους βλάπτειν , ἐπεβάλετο καταλαβεῖν ταύτην . σαφῶς δὲ γινώσκων ἐκ τοῦ προγεγονότος κατορθώματος ὅτι παρέσται βοηθῶν ἐκ χειρὸς πρὸς ταύτην τὴν ἐπιβολήν , ἐπινοεῖ τι τοιοῦτον .
3.104.4 τῶν γὰρ τόπων τῶν περὶ τὸν λόφον ὑπαρχόντων ψιλῶν μέν , πολλὰς δὲ καὶ παντοδαπὰς ἐχόντων περικλάσεις κοιλότητας , ἐξέπεμψε τῆς νυκτὸς εἰς τὰς ἐπιτηδειοτάτας ὑποβολὰς ἀνὰ διακοσίους καὶ τριακοσίους , πεντακοσίους μὲν ἱππεῖς , ψιλοὺς δὲ καὶ πεζοὺς τοὺς πάντας εἰς πεντακισχιλίους .
Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 3.103.2 | Polyb. 3.104.2 (English) | >>Polyb. 3.105.1 |