| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 3.108.1 | Polyb. 3.108.8 (English) | >>Polyb. 3.109.5 |
3.108.5 ἐπὶ δὲ τῶν νῦν καιρῶν οὐδεμία λείπεται πρόφασις , ἐὰν ἄνδρες ὦσι , τοῦ μὴ νικᾶν τοὺς ἐχθρούς .
3.108.6 τότε μὲν γὰρ οὔτε τοὺς ἡγεμόνας ἀμφοτέρους οὐδέποτε συνηγωνίσθαι τοῖς στρατοπέδοις οὔτε ταῖς δυνάμεσι κεχρῆσθαι γεγυμνασμέναις , ἀλλὰ νεοσυλλόγοις καὶ ἀοράτοις παντὸς δεινοῦ ·
3.108.7 τό τε μέγιστον , ἐπὶ τοσοῦτον ἀγνοεῖσθαι παρʼ αὐτοῖς πρότερον τὰ κατὰ τοὺς ὑπεναντίους ὥστε σχεδὸν μηδʼ ἑωρακότας τοὺς ἀνταγωνιστὰς παρατάττεσθαι καὶ συγκαταβαίνειν εἰς τοὺς ὁλοσχερεῖς κινδύνους .
3.108.8 οἱ μὲν γὰρ περὶ τὸν Τρεβίαν ποταμὸν σφαλέντες , ἐκ Σικελίας τῇ προτεραίᾳ παραγενηθέντες , ἅμα τῷ φωτὶ τῇ κατὰ πόδας ἡμέρᾳ παρετάξαντο ·
3.108.9 τοῖς δὲ κατὰ Τυρρηνίαν ἀγωνισαμένοις οὐχ οἷον πρότερον , ἀλλʼ οὐδʼ ἐν αὐτῇ τῇ μάχῃ συνιδεῖν ἐξεγένετο τοὺς πολεμίους διὰ τὸ περὶ τὸν ἀέρα γενόμενον σύμπτωμα .
3.108.10 νῦν γε μὴν πάντα τἀναντία τοῖς προειρημένοις ὑπάρχει .
3.109.1
ὑμεῖς γε μὴν οὐ μόνον ἑωράκατε τοὺς καθοπλισμούς , τὰς τάξεις , τὰ πλήθη τῶν πολεμίων , ἀλλὰ καὶ διαμαχόμενοι μόνον οὐ καθʼ ἑκάστην ἡμέραν δεύτερον ἐνιαυτὸν ἤδη διατελεῖτε .
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 3.108.1 | Polyb. 3.108.8 (English) | >>Polyb. 3.109.5 |
