| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 3.22.5 | Polyb. 3.23.2 (English) | >>Polyb. 3.24.1 |
3.22.11 Ῥωμαίων πάντα . Καρχηδόνιοι δὲ μὴ ἀδικείτωσαν δῆμον Ἀρδεατῶν , Ἀντιατῶν , Λαρεντίνων , Κιρκαιιτῶν , Ταρρακινιτῶν , μηδʼ ἄλλον μηδένα Λατίνων ,
3.22.12 ὅσοι ἂν ὑπήκοοι · ἐὰν δέ τινες μὴ ὦσιν ὑπήκοοι , τῶν πόλεων ἀπεχέσθωσαν · ἂν δὲ λάβωσι , Ῥωμαίοις ἀποδιδότωσαν ἀκέραιον .
3.22.13 φρούριον μὴ ἐνοικοδομείτωσαν ἐν τῇ Λατίνῃ . ἐὰν ὡς πολέμιοι εἰς τὴν χώραν εἰσέλθωσιν , ἐν τῇ χώρᾳ μὴ ἐννυκτερευέτωσαν .
3.23.1
οὗ καθάπαξ ἐπέκεινα πλεῖν ὡς πρὸς μεσημβρίαν οὐκ οἴονται δεῖν οἱ Καρχηδόνιοι τοὺς Ῥωμαίους μακραῖς ναυσὶ διὰ τὸ μὴ βούλεσθαι γινώσκειν αὐτούς , ὡς ἐμοὶ δοκεῖ , μήτε τοὺς κατὰ τὴν Βυσσάτιν μήτε τοὺς κατὰ τὴν μικρὰν Σύρτιν τόπους , ἃ δὴ καλοῦσιν Ἐμπόρια , διὰ τὴν ἀρετὴν τῆς χώρας .
3.23.3 ἐὰν δέ τις ὑπὸ χειμῶνος ἢ πολεμίων βίᾳ κατενεχθεὶς δέηταί του τῶν ἀναγκαίων πρὸς ἱερὰ καὶ πρὸς ἐπισκευὴν πλοίου , ταῦτα , πάρεξ δὲ μηδὲν οἴονται δεῖν λαμβάνειν , καὶ κατʼ ἀνάγκην ἐν πένθʼ ἡμέραις ἀπαλλάττεσθαι τοὺς καθορμισθέντας .
3.23.4 εἰς δὲ Καρχηδόνα καὶ πᾶσαν τὴν ἐπὶ τάδε τοῦ Καλοῦ ἀκρωτηρίου τῆς Λιβύης καὶ Σαρδόνα καὶ Σικελίαν , ἧς ἐπάρχουσι Καρχηδόνιοι , κατʼ ἐμπορίαν πλεῖν Ῥωμαίοις ἔξεστι , καὶ τὸ δίκαιον ὑπισχνοῦνται βεβαιώσειν οἱ Καρχηδόνιοι δημοσίᾳ πίστει .
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 3.22.5 | Polyb. 3.23.2 (English) | >>Polyb. 3.24.1 |
