| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 3.25.1 | Polyb. 3.26.1 (English) | >>Polyb. 3.26.7 |
3.25.7 ἔστι δὲ τὸ Δία λίθον τοιοῦτον · λαβὼν εἰς τὴν χεῖρα λίθον ὁ ποιούμενος τὰ ὅρκια περὶ τῶν συνθηκῶν , ἐπειδὰν ὀμόσῃ δημοσίᾳ πίστει , λέγει τάδε ·
3.25.8 εὐορκοῦντι μέν μοι εἴη τἀγαθά · εἰ δʼ ἄλλως διανοηθείην τι ἢ πράξαιμι , πάντων τῶν ἄλλων σῳζομένων ἐν ταῖς ἰδίαις πατρίσιν , ἐν τοῖς ἰδίοις νόμοις , ἐπὶ τῶν ἰδίων βίων , ἱερῶν , τάφων , ἐγὼ μόνος ἐκπέσοιμι οὕτως ὡς ὅδε λίθος νῦν .
3.25.9 καὶ ταῦτʼ εἰπὼν ῥίπτει τὸν λίθον ἐκ τῆς χειρός .
3.26.1
τίς οὐκ ἂν εἰκότως θαυμάσειεν Φιλίνου τοῦ συγγραφέως , οὐ διότι ταῦτʼ ἠγνόει — τοῦτο μὲν γὰρ οὐ θαυμαστόν , ἐπεὶ καθʼ ἡμᾶς ἔτι καὶ Ῥωμαίων καὶ Καρχηδονίων οἱ πρεσβύτατοι καὶ μάλιστα δοκοῦντες περὶ τὰ κοινὰ σπουδάζειν ἠγνόουν —
3.26.3 ἀλλὰ πόθεν ἢ πῶς ἐθάρρησε γράψαι τἀναντία τούτοις , διότι Ῥωμαίοις καὶ Καρχηδονίοις ὑπάρχοιεν συνθῆκαι , καθʼ ἃς ἔδει Ῥωμαίους μὲν ἀπέχεσθαι Σικελίας ἁπάσης ,
3.26.4 Καρχηδονίους δʼ Ἰταλίας , καὶ διότι ὑπερέβαινον Ῥωμαῖοι τὰς συνθήκας καὶ τοὺς ὅρκους , ἐπεὶ ἐποιήσαντο τὴν πρώτην εἰς Σικελίαν διάβασιν , μήτε γεγονότος μήθʼ ὑπάρχοντος παράπαν ἐγγράφου τοιούτου μηδενός .
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 3.25.1 | Polyb. 3.26.1 (English) | >>Polyb. 3.26.7 |
