| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 3.41.3 | Polyb. 3.42.2 (English) | >>Polyb. 3.42.8 |
3.41.8 ὁ δὲ Πόπλιος , διασαφηθέντος αὐτῷ παρεῖναι τοὺς ὑπεναντίους , τὰ μὲν ἀπιστῶν διὰ τὸ τάχος τῆς παρουσίας , τὰ δὲ βουλόμενος εἰδέναι τὴν ἀκρίβειαν , αὐτὸς μὲν ἀνελάμβανε τὰς δυνάμεις ἐκ τοῦ πλοῦ καὶ διενοεῖτο μετὰ τῶν χιλιάρχων ποίοις χρηστέον τῶν τόπων καὶ συμμικτέον τοῖς ὑπεναντίοις ·
3.41.9 τριακοσίους δὲ τῶν ἱππέων ἐξαπέστειλε τοὺς ἀνδρωδεστάτους , συστήσας μετʼ αὐτῶν καθηγεμόνας ἅμα καὶ συναγωνιστὰς Κελτούς , οἳ παρὰ τοῖς Μασσαλιώταις ἐτύγχανον μισθοφοροῦντες .
3.42.1
καὶ φιλοποιησάμενος παντὶ τρόπῳ τοὺς παροικοῦντας τὸν ποταμὸν ἐξηγόρασε παρʼ αὐτῶν τά τε μονόξυλα πλοῖα πάντα καὶ τοὺς λέμβους , ὄντας ἱκανοὺς τῷ πλήθει διὰ τὸ ταῖς ἐκ τῆς θαλάττης ἐμπορίαις πολλοὺς χρῆσθαι τῶν παροικούντων τὸν Ῥοδανόν .
3.42.3 ἔτι δὲ τὴν ἁρμόζουσαν ξυλείαν ἐξέλαβε πρὸς τὴν κατασκευὴν τῶν μονοξύλων · ἐξ ὧν ἐν δυσὶν ἡμέραις πλῆθος ἀναρίθμητον ἐγένετο πορθμείων , ἑκάστου σπεύδοντος μὴ προσδεῖσθαι τοῦ πέλας , ἐν αὑτῷ δʼ ἔχειν τὰς τῆς διαβάσεως ἐλπίδας .
3.42.4 κατὰ δὲ τὸν καιρὸν τοῦτον ἐν τῷ πέραν πλῆθος ἡθροίσθη βαρβάρων χάριν τοῦ κωλύειν τὴν τῶν Καρχηδονίων διάβασιν .
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 3.41.3 | Polyb. 3.42.2 (English) | >>Polyb. 3.42.8 |
