| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 3.44.3 | Polyb. 3.44.11 (English) | >>Polyb. 3.45.4 |
3.44.8 πρὸς δὲ τούτοις ἡ τῆς χώρας γενναιότης , εἰς ἣν ἀφίξονται , καὶ τὸ μέγεθος , ἔτι δὲ τῶν ἀνδρῶν ἡ προθυμία , μεθʼ ὧν μέλλουσι ποιεῖσθαι τοὺς ἀγῶνας πρὸς τὰς τῶν Ῥωμαίων δυνάμεις .
3.44.9 οἱ μὲν οὖν Κελτοὶ τοιαῦτα διαλεχθέντες ἀνεχώρησαν .
3.44.10 μετὰ δὲ τούτους εἰσελθὼν αὐτὸς πρῶτον μὲν τῶν προγεγενημένων πράξεων ἀνέμνησε τοὺς ὄχλους · ἐν αἷς ἔφη πολλοῖς αὐτοὺς καὶ παραβόλοις ἔργοις καὶ κινδύνοις ἐπικεχειρηκότας ἐν οὐδενὶ διεσφάλθαι , κατακολουθήσαντας τῇ ʼκείνου γνώμῃ καὶ συμβουλίᾳ .
3.44.11 τούτοις δʼ ἑξῆς εὐθαρσεῖς εἶναι παρεκάλει , θεωροῦντας διότι τὸ μέγιστον ἤνυσται τῶν ἔργων , ἐπειδὴ τῆς τε τοῦ ποταμοῦ διαβάσεως κεκρατήκασι τῆς τε τῶν συμμάχων εὐνοίας καὶ προθυμίας αὐτόπται γεγόνασι .
3.44.12 διόπερ ᾤετο δεῖν περὶ μὲν τῶν κατὰ μέρος ῥᾳθυμεῖν , ὡς αὐτῷ μελόντων , πειθαρχοῦντας δὲ τοῖς παραγγέλμασιν ἄνδρας ἀγαθοὺς γίνεσθαι καὶ τῶν προγεγονότων ἔργων ἀξίους .
3.44.13 τοῦ δὲ πλήθους ἐπισημαινομένου καὶ μεγάλην ὁρμὴν καὶ προθυμίαν ἐμφαίνοντος , ἐπαινέσας αὐτοὺς καὶ τοῖς θεοῖς ὑπὲρ ἁπάντων εὐξάμενος διαφῆκε , παραγγείλας θεραπεύειν σφᾶς καὶ παρασκευάζεσθαι μετὰ σπουδῆς , ὡς εἰς τὴν αὔριον ἀναζυγῆς ἐσομένης .
3.45.1
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 3.44.3 | Polyb. 3.44.11 (English) | >>Polyb. 3.45.4 |
