| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 3.61.8 | Polyb. 3.62.2 (English) | >>Polyb. 3.62.10 |
3.61.11 αὕτη δʼ ἔστι πόλις παρὰ τὸν Ἀδρίαν ἐπὶ τῷ πέρατι κειμένη τῶν περὶ τὸν Πάδον πεδίων ὡς ἀπὸ μεσημβρίας .
3.61.12 πανταχόθεν δὲ τοῦ κινήματος ἅμα γινομένου , καὶ τῶν συμβαινόντων πᾶσι παρὰ δόξαν προσπιπτόντων , ἦν παρʼ ἑκάστοις ἐπίστασις ὑπὲρ τοῦ μέλλοντος οὐκ εὐκαταφρόνητος .
3.62.1
Ἀννίβας μὲν οὖν διὰ τοιοῦδέ τινος ἐνεχείρει τρόπου ποιεῖσθαι τὴν παραίνεσιν .
3.62.3 συναγαγὼν γὰρ τὰ πλήθη παρήγαγεν νεανίσκους τῶν αἰχμαλώτων , οὓς εἰλήφει κακοποιοῦντας τὴν πορείαν ἐν ταῖς περὶ τὰς Ἄλπεις δυσχωρίαις .
3.62.4 τούτους δὲ κακῶς διετίθετο , παρασκευαζόμενος πρὸς τὸ μέλλον · καὶ γὰρ δεσμοὺς εἶχον βαρεῖς καὶ τῷ λιμῷ συνέσχηντο , καὶ ταῖς πληγαῖς αὐτῶν τὰ σώματα διέφθαρτο .
3.62.5 καθίσας οὖν τούτους εἰς τὸ μέσον προέθηκε πανοπλίας Γαλατικάς , οἵαις εἰώθασιν οἱ βασιλεῖς αὐτῶν , ὅταν μονομαχεῖν μέλλωσιν , κατακοσμεῖσθαι · πρὸς δὲ τούτοις ἵππους παρέστησε καὶ σάγους εἰσήνεγκε πολυτελεῖς .
3.62.6 κἄπειτα τῶν νεανίσκων ἤρετο τίνες αὐτῶν βούλονται διαγωνίσασθαι πρὸς ἀλλήλους ἐφʼ ᾧ τὸν μὲν νικήσαντα τὰ προκείμενα λαμβάνειν ἆθλα , τὸν δʼ ἡττηθέντα τῶν παρόντων ἀπηλλάχθαι κακῶν , τελευτήσαντα τὸν βίον .
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 3.61.8 | Polyb. 3.62.2 (English) | >>Polyb. 3.62.10 |
